Jarysty Qazaqstannyń órenderi jaqsy bastady. Quramynda Kırıll Gerasımenko, Alan Qurmanǵalıev, Aıdos Kenjeǵulov, Irısbek Artýkmetov syndy saıypqyrandary bar jerlestermiz Iraktyń oıynshylaryn 3:0 esebimen oısyrata utty. Ile-shala Maldıv araldarynan aılasyn asyrdy – 3:1. Odan keıin Iordanııanyń tas-talqanyn shyǵardy – 3:0.
Elimizdiń áıelder quramasy Bangladesh jáne Shrı-Lankamen sheberlik baıqasty. Bul básekelerde Qazaq eli namysyn Sarvınoz Mırkadırova, Anastasııa Lavrova, Záýresh Aqasheva jáne Ánel Baqyt qorǵady. Eki kezdesýde de jerlesterimizdiń ústemdigi esh kúmán týǵyzǵan joq – 3:0. Sońǵy oıynda ırandyqtardan mereıimiz ústem boldy – 3:1.
Osy jeńisteriniń arqasynda jerlesterimiz jarystyń ekinshi kezeńine shyǵyp qana qoımaı, álem chempıonatynyń joldamasyna ıelik etti.
