О́nertapqysh oılap tapqan tehnıkanyń syzbasy qarapaıym bolǵanymen tıimdiligi joǵary. Ony iske asyrýǵa kóp qarajat ta ketpeıdi. Avtordyń aıtýynsha, bul tehnıka traktorǵa tirkeme retinde jalǵanatyn úsh buryshty úlken súzgige uqsaıdy. Tehnıka boıyna jınaǵan qardy nyǵyzdap, ony muzǵa aınaldyryp shyǵarady.
О́nertapqysh tyń tehnıkany qystyń sońyna qaraı negizinen bıik jerlerge qoldaný kerektigin aıtady. Sebebi qyrattarda qar kóp turmaıdy. Al ol nyǵyzdalyp muzǵa aınalǵan soń uzaq erıdi. Sondyqtan bul qardyń ádettegiden 2-3 aptaǵa kesh erýine kómektespek.
Bıyl soltústik aımaqtarda kópten beri bolmaǵan qýańshylyq bolyp, astyq jyldaǵydan 1-1,5 mln tonnaǵa az jınaldy. Alaıda ótken qysta qar kóp tústi. «Mine, sony egin alqaptarynda ustaı almaǵanymyz qynjyltady» deıdi ónertapqysh. Aıtýynsha, muny oılap qazir ǵalymdar da bas qatyryp jatqan joq. Jobasy qoldaý taýyp, júzege asyp jatsa, kókshetaýlyq azamat ony ınnovasııalyq ıdeıalar baıqaýynda da tanystyrmaq nıette.
О́nertapqysh bul jańalyǵyn otandyq telearnalardyń birinde kópshilikke jarııalady.
