Sport • 03 Qazan, 2021

Qurlyqtyq hokkeı lıgasy: «Barys» «Lokomotıvke» jol berdi

139 ret kórsetildi

«Barys» búgin Qurlyqtyq hokkeı lıgasyndaǵy kezekti oıynyn Reseıde «Lokomotıv» (Iаroslavl) komandasymen ótkizdi, dep habarlaıdy Egemen.kz.

Eki komanda tartysty oıyn ótkizdi. Bıylǵy týrnırdi sátsiz bastaǵandyqtan komandalar endi árbir kezdesýdde jeńiske jetýge tyrysyp keledi. Oıyn barysynda qazaqstandyq komanda hokkeıshileri qatarynan eki shaıba soǵyp ketti. Ony Kıortıs Valk 12, Iаkob Berglýnd 12 -mınýtta óziniń enshisine jazdy.

Odan keıin «Lokomotıv» sapynan Aleksandr Polýnın 14, Pavel Kýdrıavsev 18-mınýtta mergendik tanytyp, tarazy basyn teńestirdi. Ekinshi kezeńde 35-mınýtta Darren Dıs gol soǵyp, taǵy da «Barysty» alǵa shyǵardy.

Dese de araǵa mınýt salmastan reseılik Artýr Kaıýmov kózdegen nysanadan múlt ketken joq. Úshinshi kezeńniń 52-mınýtynda Aleksandr Polýnın taǵy bir goldyń avtory atandy. Osylaısha «Barys» qarsylasyna 3:4 esebimen jol berdi. Eske salsaq, budan buryn «Barys» Reseıde máskeýlik «Dınamodan» jeńilip qaldy. Endi «Barys» 6 qazanda elordada Reseıdiń «Avangard» komandasyn qabyldaıdy.

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar