Qoǵam • 04 Qazan, 2021

Zeınetaqy júıesin jańǵyrtýdyń tujyrymdamasyna túzetýler engizildi

1242 ret kórsetildi

QR Eńbek jáne halyqty áleýmettik qorǵaý mınıstrligi Memleket basshysynyń tapsyrmasy boıynsha Qazaqstan Respýblıkasynyń zeınetaqy júıesin odan ári jańǵyrtýdyń 2030 jylǵa deıingi tujyrymdamasyna ózgerister men tolyqtyrýlar engizý boıynsha jumys júrgizýde, dep habarlaıdy Egemen.kz QR EHÁQM baspasóz qyzmetine silteme jasap.

Zeınetaqy júıesin odan ári jetildirý boıynsha usynystardy 2019 jyly QR Úkimeti janynan qurylǵan jumys toby uzaq merzimdi aktýarlyq modelderdi qurý negizinde ázirledi.

Bul jumystyń mańyzdy baǵyty - eń tómengi kepildikter júıesin jetildirý. Qoldanystaǵy Tujyrymdamada bazalyq zeınetaqy tóleminen 2028 jyldan bastap eń tómengi kepildendirilgen zeınetaqyǵa kóshý kózdelgenin atap ótken jón. Sondyqtan eń tómengi kepildi zeınetaqyny taǵaıyndaý tetigi bazalyq zeınetaqyny taǵaıyndaýdyń qoldanystaǵy ádistemesine negizdelgen.

QR EHÁQM áleýmettik saqtandyrý, bazalyq áleýmettik jáne zeınetaqymen qamsyzdandyrý saıasaty departamentiniń dırektory Vıktorııa Shegaıdyń aıtýynsha, qazirgi ýaqytta eń tómengi kepildendirilgen zeınetaqyny taǵaıyndaý tetigi pysyqtalýda. Ol mynalardy kózdeıdi:

  • eń tómengi mólsherdi eń tómengi kúnkóris deńgeıinen (ETK) 54%-dan 70%-ǵa deıin ulǵaıtý usynylady;
  • qatysýdyń eń tómengi ótilin 10 jyldan 5 jylǵa deıin azaıtý;
  • zeınetaqy mólsherin barynsha shekteýdi alyp tastaý (qazirgi ýaqytta eń joǵary shekteý 33 jyl jáne odan joǵary ótili bar 1 PM quraıdy).

Eń tómengi kepildendirilgen zeınetaqyǵa kóshý zeınetaqymen qamsyzdandyrý deńgeıin arttyrýdy, barlyq azamattarǵa biryńǵaı kózqarasty, eń tómengi kepildikter júıesin jetildirýdi, zeınetkerlik aldyndaǵy jáne zeınetkerlik jastaǵy azamattardyń eńbek qatynastaryn jáne jumyspen qamtylýyn yntalandyrýdy qamtamasyz etýge múmkindik beredi, bul halyqaralyq sarapshylardyń usynymdaryna sáıkes keledi.

«Bul rette tujyrymdamada zeınetkerlik jasqa jetken adamdar úshin zeınetke «keıinge qaldyrý» quqyǵyn berý kózdeledi. Bul bolashaqta úlken mólsherde eń tómengi kepildendirilgen zeınetaqy alýǵa múmkindik beredi. zeınetkerlik jasqa jetkennen keıingi eńbek kezeńderi onyń mólsherin anyqtaý kezinde eskeriletin bolady», dep habarlady Vıktorııa Shegaı.

Jańǵyrtýdyń taǵy bir mańyzdy baǵyttarynyń biri 2023 jyldan bastap jumys berýshilerdiń 5% mindetti zeınetaqy jarnalaryn (JMZJ) engizý bolyp tabylady. Jumys berýshiler óz qarajaty esebinen óz jumyskerleriniń paıdasyna jumyskerdiń tabystarynan mindetti 5% zeınetaqy jarnalaryn aýdaratyn bolady.

Qazirgi ýaqytta Qazaqstan Respýblıkasynyń zeınetaqy júıesin odan ári jańǵyrtýdyń 2030 jylǵa deıingi tujyrymdamasy týraly «Qazaqstan Respýblıkasy Prezıdentiniń 2014 jylǵy 18 maýsymdaǵy № 841 Jarlyǵyna ózgerister men tolyqtyrýlar engizý týraly» Qazaqstan Respýblıkasynyń Prezıdenti Jarlyǵynyń jobasy týraly» QR Úkimeti qaýlysynyń jobasy múddeli memlekettik organdarmen kelisiledi.

Sońǵy jańalyqtar

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Soltústik óńirlerde qant qymbattady

Aımaqtar • Búgin, 14:01

Munaı baǵasy arzandady

Ekonomıka • Búgin, 13:23

Uqsas jańalyqtar