Saıasat • 04 Qazan, 2021

EKPA Qazaqstandaǵy demokratııalyq reformalardy qoldady

88 ret kórsetildi

30 qyrkúıekte, kúzgi sessııa jumysynyń sońǵy kúni Eýropa Keńesiniń Parlamenttik Assambleıasynda «Qazaqstandaǵy saıası reforma onyń azamattarynyń qajettilikteri men umtylystaryna jaýap beredi» degen jazbasha deklarasııa qabyldandy, dep habarlaıdy Egemen.kz QR Parlamenti Senatynyń baspasóz qyzmetine silteme jasap.

Deklarasııanyń avtorlary Lıtva depýtaty, EKPA vıse-prezıdenti Laıma Andrıkıene bastaǵan 23 parlamentshiden turatyn top boldy, onyń quramyna Assambleıa Bıýrosynyń músheleri, negizgi saıası toptardyń basshylary, Germanııa, Ulybrıtanııa, Nıderlandy, Ispanııa, Italııa, Lıtva, Polsha, Fınlıandııa sııaqty elderdiń depýtattary kirdi.

EKPA-nyń resmı saıtynda mátini jarııalanǵan qujatta eýropalyq parlamentshiler el basshylyǵynyń ólim jazasyn joıýǵa baǵyttalǵan Azamattyq jáne saıası quqyqtar týraly halyqaralyq paktige ekinshi Fakýltatıvtik hattamany ratıfıkasııalaý týraly sheshimin quptady. Bul sheshim EKPA qundylyqtary men qaǵıdalaryna sáıkes keletini atap ótildi.

«Biz Qazaqstan Prezıdenti Qasym-Jomart Toqaevtyń BUU Bas Assambleıasynyń 75-shi sessııasynyń jalpy jaryssózinde sóılegen sózin quptaımyz, onda ol memlekettiń negizgi ómir súrý quqyǵyn, adamı qadir-qasıetin júzege asyrýdaǵy berik ustanymyn atap ótti», delingen deklarasııada.

2019 jylǵy 4 sáýirde Eýropa Keńesiniń Mınıstrler komıteti maquldaǵan «Qazaqstanmen tatý kórshilik yntymaqtastyq jónindegi Eýropa Keńesiniń basymdyqtary» tórt jyldyq baǵdarlamasy sheńberinde Qazaqstan Eýropa Keńesiniń mańyzdy seriktesi bolyp tabylatyny atap ótildi. EKPA-da qabyldanǵan deklarasııa Strasbýrgtegi QR Parlamenti Senaty delegasııasymen kezdesý barysynda Eýropalyq depýtattardyń Qazaqstandaǵy demokratııalyq reformalardyń joǵary baǵasyn rastady.

Sońǵy jańalyqtar

Áýezov jáne túrki álemi

Rýhanııat • Keshe

Áskerdegi álimjettik

Qoǵam • Keshe

Ideologııa

Rýhanııat • Keshe

Meıirim men qatygezdik

Rýhanııat • Keshe

Eski men jańa arasy

Rýhanııat • Keshe

Bı padıshasy

Rýhanııat • Keshe

Sapa qaıtse jaqsarady?

Qazaqstan • Keshe

Qaıyrymdylyqtyń úlgisi

Qazaqstan • Keshe

Saq dáýiriniń tasy

Tanym • Keshe

Uqsas jańalyqtar