BAQ-tyń habarlaýynsha, Bazyl Jaqypov uzaq ýaqyttan beri aýyryp jatqan.
Onyń sońǵy jumys oryndarynyń biri «Tobyl «ÁKK» AQ boldy. 2019 jyldyń qyrkúıeginde Basqarma tóraǵasy bolyp taǵaıyndaldy, biraq 2020 jyldyń naýryzynda densaýlyǵyna baılanysty korporasııadan ketti.
Bazyl Jaqypov 1965 jyly 5 qańtarda Aqmola oblysy Jaqsy aýdany Terisaqan aýylynda dúnıege kelgen.
Selınograd aýyl sharýashylyǵy ınstıtýtynyń agronomııa fakýltetin (1991) ǵalym-agronom mamandyǵy boıynsha, Almaty Ekonomıka jáne statıstıka ınstıtýtynyń ekonomıka jáne qarjy fakýltetin (2006) qarjyger mamandyǵy boıynsha bitirgen.
2012 jyldyń aqpan aıynan bastap Qostanaı oblysy ákiminiń orynbasary qyzmetin atqardy. Aýyl sharýashylyǵy, jer qatynastary, tabıǵı resýrstar jáne tabıǵat paıdalanýdy retteý, jergilikti aýqymdaǵy tótenshe jaǵdaılardyń aldyn alý jáne olardy joıý, Azamattyq qorǵanys máselelerine jetekshilik etti.
2015 jyldyń qyrkúıeginen 2019 jyldyń aqpanyna deıin Qostanaı qalasynyń ákimi qyzmetin atqardy.
