Tanym • 05 Qazan, 2021

Stıv Djobstyń stıli

316 ret kórsetildi

Japyraq jamylǵan ejelgi adamdar zamanynan bergi dúnıejúzi tarıhynda nebir kıim úlgisi bolǵany belgili. Tipti kún saıyn jańaryp jatqan myń san modanyń bas-aıaǵyn eshkim jiti qadaǵalaı alyp jatqan joq. Jalpy jer sharynda jeti mıllıard adam bolsa sonsha túrli talǵam bolatyny daýsyz. Adam qııalymen birge túrlene beretin kıim dızaınyna árkimniń kózqarasy ártúrli bolýy da zańdylyq. Bireý ústindegi jeıdesiniń baǵasyna mán berse, bireý onyń sapasyna nazar aýdarady. Al taǵy biri onyń yńǵaılylyǵyna kóp kóńil bóledi. Alaıda búgin biz jalpy kıim úlgisi týraly emes, jekelegen tulǵalardyń kıim kıisindegi erekshelikter týraly, onyń ishinde álemdi óziniń qııal jemisine jibermeı baılap kele jatqan, adamzat tarıhyndaǵy fenomen tulǵanyń biri, áıgili Apple brendiniń negizin qalaýshy – Stıv Djobs týraly aıtqymyz keledi.

Stıv Djobstyń stıli

Biletinder tarıhı tulǵalardyń, kó­bine genıılerdiń garderoby qarapaıym bolǵanyn rastaıdy. Tipti keıbiri óle-ólgenshe ústinen bir kıimdi tastamaı kıip ótken. Stıv te sondaı adamdardyń sanatynda bolady. Eń qyzyǵy adamnyń bundaı qııampurys ádetteri týraly birjaqty eshteńe aıta almaıtynymyzda shyǵar. Sebebi onyń túrli faktory bolýy múmkin. Kóbine oı eńbegimen shuǵyldanatyn qubylystar dúken aralap kıim tańdaýǵa ýaqyt zaıa qylǵandy quptamasa, keıbiri jetistikke adamnyń kıim ilgishi kóp áser etedi dep topshylaıtyn bolǵan. Sondaı-aq adamnyń talǵa­my da talas týdyrmaıtyn minez ekenin eskergenimiz jón.

Stıv stıli onyń minez-qulqyn birden ańǵartyp turady. Biz jalpy Apple ónimderin dúnıege ákelgen, ony oılap tapqan Djobs dep oılaımyz. Negizinde olaı emes. Stıv eń aldymen naryqty jaýlaý úshin ıdeıamen jumys istedi. Stıv úshin eń mańyzdy eki nárse boldy. Ol – dızaın jáne marketıng edi. Ol ónimdi óndirip shy­ǵarýdan buryn, onyń syrtqy jáne ishki úlgisine mán berdi jáne ony joǵary deńgeıde jarnamalaı aldy. Bul ekiniń birine beriletin qasıet emes qoı.

Djobstyń kıim sóresinde bir ýaqytta qara tústi, birdeı ól­shemde 200-ge tarta djemper ilinip turǵan desedi. Bul aqpardy alǵash estigenimizde ańyryp turyp qalǵanymyz ras. О́zińiz oılap qarańyzshy, adam bir ǵana úlgidegi kıimdi kıe bergennen jalyǵyp, jyndanyp ketýi múmkin emes pe? Biraq genııdiń oılaý júıesiniń biz paıymdaǵannan múlde ózge ekenin eskersek, bári durys. Álemdegi eń tanymal, eń baı, eń talantty adamnyń aksessýarlary qymbat bolsa kerek-ti. Alaıda búkil adamzat aýzyna qarap otyrǵan sol Stıv Djobstyń kıim-keshegi, saǵaty men kózildiriginiń qunyn eseptegender olardyń 2 myń dollarǵa da jetpeıtinin bilip tań qalysypty.

Basynda biz de tań qalǵa­ny­myzdy jasyrmaımyz. Biraq keıin Stıv ále­mine qyzyǵyp, ony zerdeleı kele tańda­nysymyzdyń tym dóreki ekenin uqtyq, uıaldyq. Myna bir shashylyp túsken shymyr oılarǵa bir kóz júgirtip óti­ńizshi? Osynshama tereń paıym ıesiniń tym qymbat kıinýi múmkin be? Stıv aıtady: «Jasymyz ósken saıyn bizge aqyl kire bastaıdy. Meniń túsingenim – 30 dollar turatyn saǵat ta, 300 dollarǵa alyn­ǵan saǵat ta bir ýaqytty kór­­setedi. Biz 30 dollar turatyn ámııan­dy alsaq ta, 300 dollar tura­tyn ámııandy qoldansaq ta ekeýine birdeı aqsha sııady».

Shynynda da biz keıingi ýaqytta qun­dylyqty adamnyń syrtynan izdep ket­kenimiz jasyryn emes. Árıne, 150 myń dollar turatyn kólikpen júrsek te, 3 myń dollar turatyn kólikke minsek te baratyn jol men qashyqtyq ózgermeıdi. Biz qaısysymen barsaq ta, jetetin jerimiz – bir. 300 dollar turatyn bótelkedegi sharapty ishseńiz de, 10 dollar turatyn sharap ishseńiz de, sezinetin rahat bir dep kez kelgenimiz aıtýymyz múmkin. Biraq bul qarapaıym ómir qaǵıdalaryn qazy­nasyn qalaı shashsa da qazany ortaımaıtyn Djobstyń aýzynan estýdiń jóni áste bólek.

Qarapaıym kıinýdiń, el qatar­ly tirshilik keshýdiń jalǵyz etalony Djobs deýden aýlaqpyz, árıne. Biraq zamany bizge jaqyn tul­ǵanyń el kóp bile ber­meıtin qyrlary óskeleń jańa urpaqqa zor ónege bolǵany durys.

Ol taǵy birde «Siz turatyn úı­diń aýdany 300 sharshy nemese 3000 sharshy metr bolsa da, siz – jalǵyzsyz, sizdiń shy­naıy ishki baqytyńyz dúnıeniń mate­rıaldyq qundylyǵynan týyndamaıdy» deıdi.

Biz Stıv Djobstyń osynshama erkin, osynshama birtoǵa ǵumyr keshkenine qy­zyǵa da qyzǵana qa­radyq. Mysaly, Djobs Lunor degen nemis fırmasynyń qara­paıym, biraq sapaly jasalǵan 500 dollar ǵana turatyn kózildirigin ta­ǵypty. Álemniń kóz jaýyn alatyn Apple ónim­deriniń qaıtalanbas dızaıny sol kózil­dirikpen-aq dúnıege kelip otyrypty. Sol kózáınektiń ar jaǵyndaǵy qy­ra­ǵy da oıly, ozyq ta talǵampaz kózder­diń, er­­kin sananyń jemisin bárimiz tuty­na­myz.

Djobstyń djemperi dep taqy­rybyn ataǵanymyzben, to­lyq djemper deýge kelmes, qara vodolazka kórsek, ashyq kók djınsyny kózimiz shalyp qalsa bir­den oıymyzǵa Djobs oralady. Ja­pon dızaıneri Isseı Mııakeniń qoly­nan shyqqan qara vodolazka áýelde kom­­pa­nııanyń qyzmetkerleri túgel kıe­tin forma retinde tigilipti. Keıinnen Djobs ol ıdeıany quptamaı, tek ózi ǵana tu­ty­nýdy jón kóredi. Je­ke tiginshisine bir­neshe júz qara keýdesheni tiktirtip kıgen ol ómi­riniń keıingi jıyrma jylynda sol keýdesheni ústinen tastamaı ótedi.

Djobstyń djınsy da keremet qymbat shalbar demes edik. Levi’s tikken shalbar onyń jumys isteýine óte yńǵaıly bolsa kerek. Aıaq kıimi jaıly da aqparattar ashyq, NewBalance brendiniń asa tanymal ónimi. Baǵasynan baılyqtyń ıisi bur­qyrap turǵan joq, bar-joǵy 150 dol­lardyń krossovkasy.

Mine, adamı qundylyqtyń, tulǵalyq daralyqtyń qyzyl-jasyl shúberekke, asyl-áshekeıge esh táýelsiz ekendigin osyndaı tulǵalar árkez dáleldeı be­redi. Rýmıdiń «qanshama adam kórdim, ús­tinde kıimi joq, qanshama kıim kór­dim, ishinde adamy joq» dege­nindeı, Djobs­tyń djemperi men djınsysy arzan bolǵanymen, onyń qııalynan týǵan qym­bat ónimder kez kelgen adamnyń qo­lyna túse bermeıdi.

Uly ıdeıalar árqashan qymbat bolýy kerek.

Sońǵy jańalyqtar

Brakkodan bas tartty

Hokkeı • Keshe

Ersin erledi

Sport • Keshe

Jas ekologter jarysy

Jastar • Keshe

Kúzde oqylǵan óleń

О́ner • Keshe

Zaýyt jumysy toqtaıdy. Nege?

Aımaqtar • Keshe

Sábıler kóbeıip keledi

Qoǵam • Keshe