Oslodan oljasyz oraldy

86 kılo salmaqtaǵy Azamat Dáýletbekov alǵashqy aınalym­da polshalyq Sebastıan Dje­zer­zanskıdi 12:1 esebimen oısyrata utyp, kelesi kezeńde Hasan Iаzdanımen kúsh synasty. Rıo Olımpıadasynyń jeńimpazy, Tokıo Olımpıadasynyń kúmis júldegeri, álem jáne Azııanyń eki dúrkin chempıony, Azııa oı­yn­darynyń jeńimpazy degen dar­daı ataǵy bar Irannyń myq­tysyna bizdiń balýannyń áli jetpedi. Bul kezdesý 2:12 esebimen aıaqtaldy. Parsy eliniń ókili fınalǵa shyqqanynyń arqasynda Azamat jarysty jalǵastyrý múmkindigine ıe boldy. Biraq qola medal úshin básekede ol Olımpııa oıyndary men álem birinshiliginiń qola júldegeri, Eýropanyń úsh dúrkin chempıony, reseılik Artýr Naıfonovtan (0:3) utylyp qaldy.

125 kılo salmaqtaǵy Oleg Boltın bastapqy beldesýlerin óte qarqyndy ótkizip, moldovalyq Egor Olar (6:5) men ýkraınalyq Aleksandr Koldovskııdi (6:3) jolynan yǵystyrdy. Jartylaı fınalda eki birdeı Olımpıadada júlde alyp, álemdik dodada úsh ret top jarǵan Grýzııanyń bas balýany Geno Petrıashvılıge (0:10) ese jiberdi. Úshinshi oryn úshin saıysta Oleg mońǵolııalyq Lhagvagerel Menhterınniń (0:5) osal tusyn taba almady.

О́kinishke qaraı, Adlan Asqa­rov (61 kılo) pen Nurqoja Qaı­panov (74 kılo) el senimin aqtaı almady. Adlan óziniń tusaýkeser kezdesýinde armenııalyq Arsen Harýtıýnıannan (10:18) jeńilse, Nur­qoja ırandyq Iones Alıak­par Emamıchlhaeıden (0:12) utyl­dy.

Chempıonattyń ekinshi kúni de tartysty básekelerge toly boldy. Biraq bul joly da biz­diń balýandardyń júldeli oryn­dar úshin talasýǵa kúsh-jiger­leri jetpedi. Meırambek Qart­baı (57 kılo) alǵashqy aınalymda mońǵolııalyq Bekbaıar Erbenebatty (5:10) eńsere almady. Ádil Ospanov (65 kılo) pen Bolat Saqaev ta (79 kılo) senim údesinen shyǵa almady. Ádil bahreındik Álı Muhammed Hadjıge (4:9) jol berse, Bolat AQSh-tyń áıgili balýany, London Olımpıadasynyń jeńimpazy, álemniń tórt dúrkin chempıony Djordan Barroýzben básekege shyǵýdan bas tartty.

Keshe 70 jáne 97 kılo salmaq dárejeleriniń júldeleri sarapqa salyndy. Bul salmaqtarda da jerlesterimiz júldesiz qaldy. Talǵat Syrbaz reseılik Ev­genıı Jerbaevtan (1:10) jáne Áli­sher Erǵalı ırandyq Mojtabe Goleıjýden (1:6) jeńildi.

Sonymen qatar keshe áıelder kúresinen de básekeler bastalyp, tórt salmaqtaǵy saıystar­dy tamashaladyq. Bizdiń Asyl­zat Saǵymbaı (53 kılo) tusaýke­ser kezdesýin moldovalyq Iýlııa Leordamen ótkizdi. Aına Temir­tasova (65 kılo) rýmy­nııalyq Krıs­tına Týnde Ingze­men bel­desti. Al Elmıra Syzdy­qo­vanyń (76 kılo) alǵashqy qarsylasy mysyrlyq Samar Amer Ibragım Hamza boldy.