Aýa raıy • 06 Qazan, 2021

6 qazanǵa arnalǵan aýa raıy boljamy

68 ret kórsetildi

Qazgıdromet 6 qazanda bolatyn erekshe meteorologııalyq qubylystarǵa boljaý konsýltasııasyn jarııalady, dep habarlaıdy Egemen.kz.

Atmosferalyq frontaldy bólikterdiń áserinen Qazaqstan aýmaǵynyń basym bóliginde turaqsyz aýa raıy kútiledi, jaýyn-shashyn bolady, eldiń shyǵysynda jáne ońtústik-shyǵystyń taýly aýdandarynda qatty jaýyn-shashyn (jańbyr, qar) jaýady, jel kúsheıedi, túnde jáne tańerteń tuman, kóktaıǵaq, respýblıkanyń soltústiginde jáne shyǵysynda burqasyn kútiledi.

QR batysynda jáne ońtústik-batysynda antısıklonnyń áserinen jaýyn-shashynsyz aýa raıy saqtalady. Shyǵys Qazaqstan oblysynyń batysynda, soltústiginde jáne ortalyǵynda, túnde jáne tańerteń Aqmola oblysynyń shyǵysynda tuman, kóktaıǵaq, jaıaý burqasyn kútiledi, túnde batysynda, soltústiginde, kúndiz Shyǵys Qazaqstan oblysynyń basym bóliginde jel 15-20 m/s kúsheıedi.

Túnde jáne tańerteń Pavlodar oblysynyń soltústiginde kóktaıǵaq kútiledi, basym bóliginde jel 15-20 m/s kúsheıedi. Túrkistan oblysynyń batysynda jáne taýly, taý bókteri aýdandarynda, Qyzylorda oblysynyń soltústiginde jáne ortalyǵynda 15-20, ekpini 23 m/s jeldiń kúsheıýi kútiledi, Qyzylorda oblysynda shańdy daýyl bolady. Qaraǵandy oblysynyń soltústiginde, shyǵysynda tuman, kóktaıǵaq kútiledi, jel 18 m/s kúsheıedi.

Túnde Atyraý oblysynyń ońtústiginde, kúndiz Batys Qazaqstan oblysynyń ońtústik-batysynda 15-20 m/s jel kúsheıedi. Túnde jáne tańerteń Qostanaı, Soltústik Qazaqstan oblysynyń soltústik-batysynda tuman kútiledi.

Túnde jáne tańerteń Almaty oblysynyń taýly aýdandarynda tuman kútiledi, túnde oblystyń shyǵysynda 15-20 m/s jel kúsheıedi. Jambyl oblysynyń taýly jáne taý bókteri aýdandarynda tuman, kóktaıǵaq kútiledi, batysynda jáne taýly aýdandarda 15-20 m/s jel kúsheıedi.

Túnde Mańǵystaý oblysynyń soltústik-batysynda, kúndiz basym bóliginde jel 15-20 m/s kúsheıedi, kúndiz soltústik-shyǵysynda shańdy daýyl kútiledi.

 

 

Sońǵy jańalyqtar

Uqsas jańalyqtar