«Qazir álemde revaksınasııa júrgizýdiń joldary zerttelip jatyr. Qazaqstan Dúnıejúzilik densaýlyq saqtaý uıymynyń Eýropa óńirindegi joǵary deńgeıli jumys tobyna kirdi. Osy top Eýropa óńiri boıynsha revaksınasııanyń standarttarymen, strategııasymen aınalysyp jatyr. Revaksınasııaǵa abaılap kelý kerektigi jóninde aldyn ala usynym shyǵarylǵan bolatyn.
Onyń ózinde birinshi kezekte halyqtyń osal býyny men aldyńǵy saptaǵy qyzmetkerler, vırýsqa qarsy antıdenesi joq azamattar ekpe alýy kerektigi aıtylǵan. Iаǵnı qazir revaksınasııa neshe márte bolý kerektigi, qaı vaksınanyń túrin egý qajettigi, dozanyń mólsheri bizdiń ımmýndaý jónindegi ishki komıssııada talqylanyp jatyr», dedi mınıstr.
Vedomstvo basshysy jýyq arada vedomstvoaralyq komıssııada revaksınasııa baǵdarlamasynyń ólshemderi usynylatynyn atady.
«Biz álemdi jiti baqylap otyrmyz. Túrli tásilder bar. Jalpy, dınamıka baıqalyp otyr. 6-dan 10 aıǵa deıin merzimnen keıin revaksınasııa bastalyp jatyr. Birinshi kezekte, revaksınasııa ımmýndaý byltyr bastalyp ketken elderde júrip jatyr. Iаǵnı, byltyr qarasha, jeltoqsan aıynda vaksınasııany bastaǵan elderde ekpeniń ekinshi dozasy berilgenine 9 aıdan asyp ketti. Sondyqtan, ol elderde revaksınasııa óte ózekti bolyp otyr. Bizde bul ýaqyt qarasha, jeltoqsan aılaryna keledi», degen Alekseı Soı Qazaqstanda revaksınasııa álemde belgili bir tájirıbe qalyptasqan kezde júrgiziletinin eskertti.
«Sondyqtan qazir ýaqyt bar. Osy ýaqytta biz álemde bar tájirıbeni alýymyz kerek. Revaksınasııany bastap ketken elderdi baqylap otyrmyz. Onyń tıimdiligin qarap otyrmyz. Meniń oıymsha jýyq arada revaksınasııany qalaı uıymdastyratynymyz, merzimi qandaı bolatyny týraly naqty baǵdarymyz daıyn bolýy kerek. Sondyqtan revaksınasııa máselesi bizden asyǵýdy talap etip turǵan joq. Bárin saýatty tarazylap, derekter kózin tekserip, halyqaralyq tájirıbeni zerdelep, vedomstvoaralyq komıssııa maquldaǵan boıda habarlaımyz», dedi Densaýlyq mınıstri.
