KО́RPEGE QARAI KО́SILÝ KEREK

Úkimet basshysy strategııalyq josparlaý men bıýdjettik baǵdarlamalarǵa qatysty qarjyny tıimdi jumsaý qajettigin eskertti Keshegi ótken Úkimet otyry­syn ashqan bette Úkimet basshysy Kárim Másimov tıisti memlekettik organdarǵa tapsyrma berdi. Premer-Mınıstr Meksıka túbeginde “Brıtısh Petroleým” kompanııasynyń qal­qymaly qon­dyr­ǵysynyń apatqa ushyraýyna baı­lanysty úlken qaıǵyly oqı­ǵanyń oryn alǵandyǵyn, munyń ózi Amerıka Qurama Shtattary sekildi iri elge zardaptaryn tıgiz­gendigin, al ol osy kompanııanyń jumysyna qatysty kóp suraqtar týyndatatyndyǵyn aıta kele Mu­naı jáne gaz, Qorshaǵan ortany qorǵaý mınıstrleri Saýat Myń­baev pen Nurǵalı Áshimovke jedel jumys tobyn quryp, Kaspııdegi munaı óndirý jaıyna tekserý júr­gizýdi tapsyrdy. “Osy komıssııa­ny qurýǵa baılanysty usynysty búgin keshke deıin ázirlep, maǵan baıandańdar” dedi. Sonymen qatar Premer-Mı­nıstr óziniń birinshi orynbasary О́mirzaq Shókeevke azyq-tú­lik ba­ǵa­larynyń ósýine jol bermeý má­se­lele­ri­men aınalysatyn ju­mys tobyn jedel qurýdy tap­­syr­dy. “О́kinishke oraı, jekelegen ónim­der ba­ǵalarynyń ósýge qaraı bet alǵan­dyǵy baı­qa­lyp otyr. Son­dyq­tan Eko­nomı­kalyq damý jáne saýda, Aýyl sharýashylyǵy mı­nıs­tr­ligin tarta otyryp, osy máse­leni tez arada talqylańyzdar. Kelesi seısenbide osy máselege arnap birlesken otyrys ótkizetin bolamyz” dedi Úkimet basshysy. Premer-Mınıstrdiń tapsyr­ma­lary Báse­kelestikti qorǵaý agenttiginiń basshysy Májıt Esen­baevqa da qatysty boldy. Halyq jedel sezinetin azyq-túlik, janar-jaǵarmaı baǵalary baqy­laý­da ustalýy qajettigi basa aı­tyldy. Munan keıin Úkimet otyry­syn­da qaralǵan strategııalyq jos­parlaý, bıýdjettik baǵdarla­ma­­lar­dy oryndaý máselesine qatysty Pre­mer-Mınıstr Keńsesiniń basshysy Ǵabıdolla Ábdirah­ma­nov­tyń, Ekonomıkalyq damý jáne saýda mınıstri Janar Aıtja­nova­nyń baıan­da­malary tyńdaldy. Ǵa­bıdolla Ábdirahmanov óz sózinde memlekettik ortalyq jáne jergi­likti organdardyń strategııalyq josparlar men bıýd­jettik baǵdar­lamalardy oryndaý bary­syn­da keıbir qaıshylyqtarǵa jol ber­gendigin, bul máselelerde ortaq bir túsiniktiń qalyptaspaı kele jat­qandaǵyn atap kórsetse, Janar Aıt­janova strategııalyq jospar­laý qaǵıdattaryn engizý memleket­tik organdardyń jumysynda naq­­ty nátıjelerge qol jetkizýge múm­kindik beretindigine toqtaldy. Atal­ǵan máselede belgili bir ná­tı­jelerge jetý úshin, birinshiden, strategııalyq, ekonomıkalyq jáne bıýdjetti josparlaýdyń ózara baı­lanysyn qamtamasyz etý, ekin­shi­den, memlekettik organdardyń qyz­metin strategııalyq maqsat­tar­ǵa qaraı baǵyttaý, úshinshiden, mem­lekettik organdar qyzmetine tıisti baǵalaý ólshemderin engizý qajet. Úkimet basshysy Kárim Mási­mov atalǵan máseleni qorytyn­dy­laı kele birqatar tapsyr­ma­lar berdi. Premer-Mınıstr bıýdjet­tik úde­ris­tiń turaqtylyǵy birinshi orynda turý ke­rektigin basa aıtty. “Biz qazir daǵdarystan shy­ǵyp ke­lemiz, Memleket basshysy belgilep ber­gen baǵytqa sáıkes ilgeri jyl­jý ústindemiz, mun­daı kezde bıýd­jettik úderistiń turaqtyly­ǵy­nyń mańyzy óte zor” deı kele elimizdiń qazynasynyń kirisi qanshalyqty bolsa, shy­ǵy­ny da sonshalyqty bolýy qajettigin eskertti. Buǵan árbir mınıstrlik pen vedomstvo ózderine tapsyrylǵan qyzmetti durys uıymdastyra alǵanda ǵana qol jetkize alatyndyǵyn aıtty. Premer-Mınıstr kún tár­tibine qoıylyp otyrǵan máselege qatysty basqa da birqatar tap­syr­malar berdi. Suńǵat ÁLIPBAI.