Saýda, ónerkásip, kólik, densaýlyq saqtaý, ekologııa salasyndaǵy yntymaqtastyqty damytýdyń jaı-kúıi men perspektıvalary talqylandy, sondaı-aq eki eldiń taýar men qyzmet naryǵyna qoljetimdilikti jaqsartý múmkindigi qaraldy.
Vıse-mınıstr Q.Tórebaev jáne Memlekettik hatshy Sh. Mendes Qazaqstan-Ispanııa úkimetaralyq komıssııasynyń mańyzdy rólin atap ótip, elder arasyndaǵy ekijaqty saýda-ekonomıkalyq qatynastardy odan ári tereńdetý jáne ártaraptandyrý týraly aıtty.
Osyǵan baılanysty, Komıssııanyń teń tóraǵalary saýda aınalymynyń kólemin arttyrý boıynsha naqty bastamalarmen almasty. Osylaısha, Qaırat Tórebaev ıspandyq áriptesterine 75 taýar pozısııasyn jetkizý máselesin birlesip pysyqtaýdy usyndy. Olar boıynsha qazaqstandyq kásiporyndar shıkizattyq emes eksportty $ 620 mln jetkize alady.
Qazaqstandyq bóliktiń teń tóraǵasy Qaırat Tórebaev qazaqstandyq eksportty ilgeriletý bóliginde yntymaqtastyqty jolǵa qoıý úshin «MAXAM», «CESCE», ICEX jáne AJUSA memlekettik kompanııalarynyń basshylarymen birqatar jumys kezdesýlerin ótkizdi.
Úkimetaralyq komıssııa sheńberinde Aıdar Áriphanov («Báıterek» UBH» AQ Basqarma Tóraǵasy) pen «MAHAM» kompanııasynyń prezıdenti Hose Manýel Vargastyń teń tóraǵalyǵymen «Qazaqstan-Ispanııa» Iskerlik keńesi ótkizildi.
Iskerlik keńeske eki el arasyndaǵy saýda-ekonomıkalyq baılanystardy damytýǵa múddeli ónerkásip, aýyl sharýashylyǵy, kólik, ınfraqurylym, ınjınırıng, Aqparattyq tehnologııalar salasyndaǵy qazaqstandyq jáne ıspandyq kompanııalardyń 80-nen astam ókili qatysty. Iskerlik keńestiń ashylýynda Úkimetaralyq komıssııanyń teń tóraǵalary sóz sóıledi, olar bıznestiń eki el naryǵyndaǵy qyzmetin jandandyrýǵa shaqyrdy.
Iskerlik keńestiń qorytyndysy boıynsha Qazaqstan Damý Banki (QDB) men CESCE, QDB jáne COFIDES, «Qazyna Kapıtal Menedjment» AQ jáne COFIDES arasynda ózara túsinistik týraly memorandýmǵa qol qoıyldy.
«2021 jylǵy 8 aıda elder arasyndaǵy ózara saýda 68% - ǵa ósip, $1.2 mlrd qurady, bul rette Qazaqstannan Ispanııaǵa eksport 83,8% - ǵa ($1,1 mlrd.) ulǵaıdy», dep jazady Saýda jáne ıntegrasııa mınıstrligi.
