Kúres • 08 Qazan, 2021

Jamılıa Baqbergenova álem chempıonatynyń kúmis júldegeri atandy

157 ret kórsetildi

 

Norvegııanyń astanasy – Osloda ótip jatqan álem chempıonatynda áılder kúresinen básekeler aıaqtalyp, barlyq salmaq dárejesi boıynsha jeńimpazdar men júldegerler anyqtaldy. Qazaqstan quramasyna bir kúmis medal buıyrdy, dep habarlaıdy Egemen.kz.

Áıelder kúresinen ótken alty salmaq dárejesi boıynsha básekelerde kimderdiń jeńis tuǵyryna kóterilgeni jaıynda biz buǵan deıin egjeı-tegjeıli baıandadyq. Skandınavııa túbegine sapar shekken Qazaqstan qurama komandasy músheleri arasynan Jamılıa Baqbergenova ǵana el senimin aqtady. Qalǵandary jarty jolǵa da jetpedi. «Djordal Amfı» kesheninde tóselgen boz kilemde Fransııa men Túrkııa balýandarynan basym túsken Baqbergenova fınalda japonııalyq Masako Fýrýıchımen aıqasty. Kún shyǵys eliniń ókili jasóspirimder men jastar býyny arasyndaǵy dúnıejúzilik dodalarda san márte daralanyp, 23 jasqa deıingi burymdyldardyń álem birinshiliginde bas júldeni oljalaǵan óte myqty sportshy. Onyń ústine, qos sportshynyń joly osyǵan deıin úsh márte qıysyp, eki retinde Masakonyń mereıi ústem bolǵan eken.

Jasyratyny joq, sol keshte qazaq janúıerleri Jamılııadan eren erlik kútti. Barlyǵymyz da tórtkúl dúnıeniń teńdessizderi jınalǵan jarystyń altyn tuǵyrynda Alashtyń arýy marqaıyp tursa ǵoı dep armandadyq. Alaıda Masakonyń myqtylyǵyn moıyndamasqa esh laj joq. Ol jaqsy bir ádis jasaı almaǵanymen, kózdegen maqsatyna qol jetkizdi. О́ziniń jyldamdyǵy men eptiliginiń arqasynda qazaq qyzynyń artyna shyqqany úshin eki upaıdy enshiledi. Odan keıin Baqbergenovany kilemniń shetine ıterip shyǵaryp, taǵy da upaıǵa ıelik etti. О́te saýatty qorǵanǵan Fýrýıchı básekeni sońyna deıin sol basymdyǵyn saqtap qaldy. Nátıjesinde ol jeńimpaz atansa, Jamılıa kúmis medaldi qanaǵat tutty. 

Jalpy áıelder kúresinen ótken álem chempıonattarynda Qazaqstan quramasy 4 kúmis jáne 7 qola medaldi ıelendi. Ázirge qorjynymyzda birde-bir bas júlde joq. Jáne de kúmis medaldi moıyndarynda jarqyratqan balýandardyń barlyǵy da syrttan kelgen legıonerler ekenin aıta ketýge tıispiz. Máselen, 2007 jáne 2010 jyldary aqtyq synda beldesken Elena Shalygına bizdiń elge Reseıdiń Kemerovo oblysynan qonys aýdaryp keldi. 2008 jyly sol mejeden kóringen Juldyz Eshimova Qyrǵyzstannyń Talas óńiriniń týmasy. 2012 jyly ekinshi orynǵa taban tiregen Gıýzel Manıýrova Mordovııada dúnıege keldi. Al Norvegııanyń astanasyndaǵy jaǵdaı múlde ózgeshe. Bul jerde ózimizdiń tól túlegimiz, qarapaıym ǵana qazaqtyń qyzy fınaldyq saıysta óner kórsetý qurmetine bólendi. Buıyrǵany – kúmis medal. Iá, osy jetistiktiń ózi-aq Jamılıa Baqbergenovanyń tarıhta qalatyndaı is tyndyrý úshin jetkilikti boldy.

Áıelder kúresiniń jalpy komandalyq esebinde Japonııa quramasy kósh bastady. Kún shyǵys eliniń sulýlary 4 altyn, 3 kúmis jáne 2 qolany oljalady. Ekinshi orynda – AQSh. Amerıkanyń arýlary 2 altyn, 2 kúmis jáne 3 qolany ıelendi. Kósh basyndaǵy qos komandanyń osyndaı tolaǵaı tabysyna eshkim tańdana qoıǵan joq. Sebebi, aıtýly memleketterde bul sport túriniń damýyna barlyq jaǵdaı jasalǵan. Sonyń arqasynda japondar men amerıkalyqtar únemi úzdikter qatarynan kórinýde.

Úshinshi satyǵa Qyrǵyzstan quramasy jaıǵasty. Osyǵan deıingi álem chempıonattarynda nebary qos júlde alǵan kórshilerimiz bul joly úsh ret jeńis tuǵyryna kóterilip, jer jahannyń jankúıerlerin tamasandyrdy. Oslo tórinde Qyrǵyz eliniń ánurany eki márte shyrqalǵanda «Qazaq qyzdary arasynan Aısulý men Meıirimdeı bir myqtynyń shyqpaǵany-aı» dep ishteı kúbirlegenimizdi nesine jasyraıyq. Oǵan Aıperiniń qola medalin qosyńyz. Rasynda da, bul burymdyldardyń attaryna zattary saı eken...

Tórtinshi orynǵa Moldova taban tiredi. Bul nátıjeni «Sensasııa!» dep baǵalasaq, eshkim aıypqa buıyra qoımas. О́ıtkeni, buǵan deıingi dúnıejúzilik dodalardyń barlyǵynan moldovalyqtardyń qorjyny bos qaıtyp júrgen. Al bul joly qart qurlyqtyń ońtústik-shyǵysynda ornalasqan shaǵyn ǵana eldiń ókilderi bir altyn men bir kúmisti medaldi ıemdendi. Keremet qoı! Úzdik bestikti Bolgarııa qorytyndylady. Balkan túbeginen kelgen balýandar eline bas júldeniń bireýin enshilep qatty.

Eger medaldar sapasy men sanyn esepke alsaq, jalqy kúmisti qanaǵat tutqan Qazaqstan quramasy Estonııamen birge segizinshi jáne toǵyzynshy oryndardy ózara bólisti. Joǵaryda atalǵan komandalardan bólek, tek Germanııa (1 kúmis-1 qola) men Úndistan (1 kúmis+1 qola) ǵana aldymyzdy orady. Al Mońǵolııa (4 qola), Reseı (2 qola), Ýkraına, Mysyr, Kanada, Polsha, Shvesııa jáne Túrkııa (árqaısynda 1 qoladan). Osy jarysta barlyǵy 17 memlekettiń ókilderine júldeli oryndar buıyrdy.         

Sońǵy jańalyqtar

Qamystan óndirilgen qumsheker

Aımaqtar • Keshe

Erlikke toly eńbek

Qazaqstan • Keshe

Shıraz bulbuly

Ádebıet • Keshe

Ata jurtta

Ádebıet • Keshe

Oqý men oqymaý hám talǵam

Ádebıet • Keshe

Abaı oblysynyń aty ozdy

Aımaqtar • Keshe

Uqsas jańalyqtar