Budan buryn, «Birlik gaz» qaýymdastyǵynyń ótinishi boıynsha Tabıǵı monopolııalardy retteý komıtetiniń Almaty oblysy boıynsha departamenti 2020 jylǵy 1 qyrkúıektegi «QazTransGaz Aımaq» AQ Jetisý óndiristik fılıalynyń atyna shaǵym túsken. Atalǵan mekeme tutynýshylardy gazben jabdyqtaý jelilerine qosý merzimin buzý tájirıbesin toqtatý jáne qosymsha materıaldardy talap ete otyryp, gazben jabdyqtaý jelilerine qosýdan bas tartý, sondaı-aq gazben jabdyqtaý jelilerine qosqany jáne esepteý aspaptaryn plombalaǵany úshin aqy aldy dep aıyptaldy.
Biraq kompanııanyń ózi bul ýájben kelispeı, oblystyq sotqa osy nusqamanyń kúshin joıý týraly aryz bergen. Nátıjesinde Almaty oblysynyń mamandandyrylǵan aýdanaralyq ekonomıkalyq sotynyń 2021 jylǵy 13 qańtardaǵy sheshimimen uıǵarymnyń kúshi joıyldy. Bul jaǵdaıdan keıin Departament birinshi satydaǵy sot sheshimimen kelispeı, Almaty oblystyq sotyna apellıasııalyq shaǵym túsirgen.
Sóıtip, Almaty oblystyq sotynyń azamattyq ister jónindegi sot alqasynyń 2021 jylǵy 27 sáýirdegi qaýlysymen birinshi satydaǵy sot sheshiminiń kúshi joıylady.
Artynsha, «QazTransGaz Aımaq» AQ oblystyq sottyń 2021 jylǵy 27 sáýirdegi qaýlysymen kelispeı, bıyl 11 mamyrda oblystyq sottyń qaýlysyn Joǵarǵy Sotynyń azamattyq alqasyna qaıta qaraý týraly ótinishhat jiberedi. Bul ótinishti Joǵary sot QR QK azamattyq ister jónindegi sot alqasyna qaraýǵa berýden bas tartady.
Osylaısha, Ákimshilik quqyq buzýshylyq týraly Kodeksiniń 462-babynyń 3-bóligi boıynsha ákimshilik is qozǵalady. Sottyń 2021 jylǵy 27 qyrkúıektegi qaýlysy boıynsha «QazTransGaz Aımaq» AQ-nyń Jetisý fılıaly 1 458 500 teńge kóleminde ákimshilik aıyppulǵa tartyldy.
