Aımaqtar • 11 Qazan, 2021

Jeltoqsan kóterilisine qatysqan 516 adam aqtaldy

126 ret kórsetildi

Almaty qalasynda Jeltoqsan kóterilisine qatysyp, aqtalǵandardyń sany 516 adamǵa jetti. Bul jaıynda Májilis depýtattarynyń saýalyna QR Premer-Mınıstriniń orynbasary Eraly Toǵjanov jaýabynda aıtty, dep habarlaıdy Egemen.kz.

«Jeltoqsan qaharmandarynyń erligin nasıhattaý maqsatynda derekti fılm túsirilýde. Stýdent jastar arasynda Halyq qaharmany Q.Rysqulbekovtiń qurmetine bokstan, E.Sypataevtyń qurmetine qazaq kúresinen týrnır uıymdastyrylady. Qazaqtyń batyr qyzdary L.Asanovanyń, S.Muhamedjanovanyń jáne K.Moldanazarovanyń qurmetine óńirlerde oqýshylar arasynda shyǵarmashylyq patrıottyq is-shara ótkiziledi. Jalpy elimizde Jeltoqsan qaharmandaryna arnalǵan alańdar ashý, eskertkish, monýmentter ornatý boıynsha jumys bıýdjettiń múmkindikterine sáıkes júrgizilýde», dep jaýap beredi Eraly Toǵjanov.

Vıse-premerdiń dereginshe, Táýelsizdik alǵan ýaqyttan beri elimizde Jeltoqsan oqıǵasy men onyń qatysýshylary esimimen 111 nysan ashyldy. Budan bólek, QR Prezıdentiniń 1991 jylǵy 12 jeltoqsandaǵy № 540 Jarlyǵyna sáıkes elimizde jeltoqsan oqıǵasyna qatysqan azamattar qylmystyq, ákimshilik jáne tártiptik jaýaptylyqtan bosatyldy.

«1986 jyly Jeltoqsan kóterilisine qatysyp, oqýdan, jumystan shyǵyp qalǵan azamattar «aqtaý týraly» anyqtamany qoldanystaǵy zańnamaǵa sáıkes óziniń dáleldi qujattaryn jergilikti prokýratýra organdaryna usyný arqyly ala alady. Anyqtama alý tártibi barynsha jeńildetilgen. 2020 jyly Almaty qalasynda aqtalǵan jeltoqsandyqtardyń sany 400 adam bolsa, 2021 jyly 516 adamdy qurady», dedi Úkimet basshysynyń orynbasary.

 

Sońǵy jańalyqtar

Shıraz bulbuly

Ádebıet • Búgin, 22:05

Ata jurtta

Ádebıet • Búgin, 22:03

Oqý men oqymaý hám talǵam

Ádebıet • Búgin, 22:01

Mal basy ósse, olja kóbeıedi

Aımaqtar • Búgin, 21:57

Abaı oblysynyń aty ozdy

Aımaqtar • Búgin, 21:54

Saq dáýiriniń eskertkishi

Tanym • Búgin, 21:53

Portretin kúrishten jasaǵan

О́ner • Búgin, 21:51

Bes óńirde daýyldy eskertý jarııalandy

Aýa raıy • Búgin, 21:30

Erlan Qııasov jańa qyzmetke taǵaıyndaldy

Taǵaıyndaý • Búgin, 20:10

Tamyz aıyndaǵy UBT aıaqtaldy

Bilim • Búgin, 19:53

Baqyt Sultanov qyzmetinen bosatyldy

Qazaqstan • Búgin, 18:00

Dollar arzandady

Ekonomıka • Búgin, 16:42

Uqsas jańalyqtar