Osy oraıda alǵashqy kúndi Reseı Federasııasynyń memlekettik arhıvi qujattarymen tanysýdan bastady.
«Reseı Federasııasynyń memlekettik arhıvi HIH - HHI ǵasyrlardaǵy Reseı tarıhyna qatysty 7 mıllıonnan asa is-qujattary bar eń úlken arhıv sanalady. Qoınaýy tarıhı derekterge toly bul ortalyq óz jumysyn 1992 jyly keńester odaǵy men keńestik Reseıdiń memlekettik arhıvteri negizinde bastaǵan. Túrkistan qalasynyń tarıhy týraly tyń derekter Reseı patshalyǵy kezeńi jáne keńestik kezeń materıaldarynan tabylady dep oılaımyz», deıdi Áziret Sultan memlekettik tarıhı-mádenı qoryq-mýzeıi dırektorynyń orynbasary, tarıh ǵylymdarynyń kandıdaty Murat Tastanbekov.
Aıta keteıik, QR Mádenıet jáne sport mınıstrliginiń qoldaýymen «HIH ǵasyrdyń ortasy – HHI ǵasyr basyndaǵy Túrkistan qalasynyń áleýmettik-ekonomıkalyq jáne mádenı tarıhyn keshendi zertteý» ǵylymı jobasy aıasynda túrkistandyq ǵalymdar rýhanı astana jaıly tyń derekter izdestirý maqsatynda Almaty, Shymkent qalalarynda jáne О́zbekstan Respýblıkasyndaǵy muraǵat qujattarymen tanysyp shyqty. Joba aıasynda ǵylymı aınalymǵa enbegen jańa derekter toptastyrylatyn bolady.
