Jasóspirim erekshe zatty alańqaıdan taýyp alǵan. Tot basqan granatany jigit týysynyń úıine ákelgen. Ony kórgen týysy birden polısııaǵa habarlaǵan. Sokolov poselkelik polısııa bólimshesiniń qyzmetkerleri oqıǵa ornyn qorshaýǵa alyp, jaqyn mańdaǵy úsh úıdiń jeti turǵynyn qaýipsiz jerge kóshirdi. Oqıǵa ornyna jetken jarǵyshtehnıkter qaýipti zatty arnaıy qalypqa saldy. Shamamen «ÝZRGM» tutandyrǵyshy bar «RGD» granatasy bolyp sanalady. Ázirge granatanyń aýylǵa qaıdan kelgeni belgisiz.
«Zat saraptamaǵa jiberildi, keıin arnaıy jaǵdaılarda joıylatyn bolady. Jarylǵysh zattarǵa uqsas zat anyqtaǵan jaǵdaıda zarıadtyń ózdiginen jarylýyn boldyrmaý úshin olardy kóshirýge, oryndaryn aýystyrýǵa bolmaıtynyn eske salamyz», deıdi Qyzyljar aýdany PB bastyǵynyń mindetin atqarýshy Nurlyjan Aqtanov.
