Úkimet • 15 Qazan, 2021

Polısııanyń servıstik modelin keńeıtý máseleleri talqylandy

106 ret kórsetildi

Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń depýtattary Ishki ister mınıstrligine baryp, polısııanyń servıstik modelin keńeıtý máseleleri boıynsha kezdesý ótkizdi, dep habarlaıdy Egemen.kz.

Is-sharaǵa Prezıdent Ákimshiliginiń ókili Alekseı Kalaıchıdı, IIM basshylyǵy, onlaın-rejımde máslıhat hatshylary, óńirlerdegi polısııa departamentteriniń basshylary jáne oblystar men Nur-Sultan, Almaty, Shymkent qalalary ákimderiniń orynbasarlary qatysty.

Kezdesýdi ashqan atalǵan Komıtettiń tóraǵasy Vladımır Volkov atalǵan is-shara ishki ister organdaryn reformalaý aıasynda júrgizilgen birlesken jumystardyń laıyqty jalǵasy ekenin aıtty. Kelesi qadam – polısııanyń servıstik modelin keńeıtý. Memleket basshysy Qasym-Jomart Toqaev Qazaqstan halqyna Joldaýynda dál osyndaı mindet júktedi.

Sondaı-aq senatorlar men kezdesýge qatysýshylar ishki ister organdary júıesin reformalaý boıynsha qabyldanǵan sharalarǵa toqtalyp ótti. Bul – salaǵa qatysy joq birqatar qyzmetten bosatý, ýchaskelik ınspektorlardyń mártebesin arttyrý, olardyń tehnıkalyq jaraqtandyrylýyn jaqsartý jáne taǵy basqalary. Sonymen birge depýtattar osy saladaǵy ózekti máselelerge de nazar aýdardy.

«Ýchaskelik ınspektorlar men olardyń kómekshileriniń qyzmetin shtattyq turǵydan nyǵaıtýdyń mańyzy zor. Ishki ister mınıstrliginiń tıisti normasyna saı bolý úshin áli 3 myńǵa jýyq ýchaskelik ınspektor qajet ekenin bilemiz. Bul olqylyqtyń ornyn ishki rezervterdi qaıta bólý arqyly toltyrýǵa bolady. Alaıda, jergilikti atqarýshy organdar men máslıhattar tarapynan qarjylaı kómek qajet», dep túsindirdi Vladımır Volkov.

Kezdesý barysynda depýtattar jańa ýchaskelik polısııa pýnkterin salý qajettigine de toqtala ketti. Bul «qoljetimdi polısııa» qaǵıdatyn qamtamasyz etý úshin mańyzdy. Senatorlar bul iste keıbir oblystarda oń nátıjelerdiń bar ekenin aıtyp, jetildiretin tustardyń da az emesine kóńil bóldi. Taıaýda ashylýǵa tıis 78 ýchaskelik polısııa pýnktiniń 27-si ǵana jumys istep tur. Osyǵan baılanysty senatorlar máslıhattar men ákimdikterdi atalǵan baǵytta belsendilik tanytýǵa shaqyrdy.

Kezdesý barysynda Ishki ister mınıstri Erlan Turǵymbaev vedomstvonyń polısııanyń servıstik modelin keńeıtý boıynsha atqarǵan jumysy týraly aıtyp berdi.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar