«Mádenı-gýmanıtarlyq ólshemder tarıhı baılanystardy saqtaýda jáne halyqtarymyzdy odan ári jaqyndastyrýda dástúrli túrde mańyzdy ról atqarady. Osyǵan baılanysty biz 2022 jyldy TMD halyq shyǵarmashylyǵy men mádenı murasy jyly dep jarııaladyq. Mereıli jyl aıasynda tarıhı baılanystardy saqtaýǵa, mádenıet, týrızm jáne sport salasyndaǵy ózara is-qımyldy nyǵaıtýǵa baǵyttalǵan 100-ge jýyq is-shara ótedi», dep aıtty Memleket basshysy Qasym-Jomart Toqaev.
Aıtýynsha, buryn qabyldanǵan baǵdarlamalyq qujattardy sapaly iske asyrý da osy saladaǵy yntymaqtastyqty tereńdetýge qyzmet etedi.
«Áńgime jastar yntymaqtastyǵy, týrızm, sondaı-aq dene shynyqtyrý jáne sport salasyndaǵy úsh strategııa týraly bolyp otyr. Osy múmkindikti paıdalana otyryp, Moldova halqyn 2023 jyly Dostastyqtyń mádenı astanasy Komrat qalasynyń saılanýymen quttyqtaımyn», dedi Toqaev.
