Otyrysqa Qaýipsizdik Keńesi apparatynyń ókilderi, Qarýly Kúshterdiń, Ulttyq qaýipsizdik komıteti Shekara qyzmetiniń, Ishki ister mınıstrligi Ulttyq ulanynyń, sondaı-aq ortalyq memlekettik organdardyń basshylary qatysty.
Jıyn qatysýshylary áskerı basqarýdy ortalyqtandyrý, basqarýdyń avtomattandyrylǵan júıelerin ashý, memlekettik organdardyń aqparattyq júıelerin ıntegrasııalaý jáne Qarýly Kúshterdiń, basqa da áskerleri men áskerı quralymdarynyń áskerı-ǵylymı áleýeti men ǵylymı-eksperımenttik bazasyn damytý úshin qabyldanyp jatqan sharalar jóninde baıandamalar jasady.
Otyrys barysynda Qarýly Kúshterde, basqa da áskerleri men áskerı quralymdarynda aqparattyq-kommýnıkasııalyq tehnologııalar quraldaryn paıdalanýdy aqparattandyrý jáne onyń aýqymyn keńeıtý, sondaı-aq áskerı ǵylymdy damytý jáne ǵylymı-eksperımenttik bazany jetildirý máseleleri talqylandy.
Áskerı kadrlardy daıarlaý, memlekettiń áskerı qaýipsizdigine sońǵy kezdegi qaýip-qaterler men syn-tegeýrinderdi baǵalaýdyń jańa ádisterin engizý, TMD elderi men alys shetelderdiń ǵylymı-bilim berý mekemelerimen baılanys aýqymyn keńeıtý máseleleri saralandy.
Áskerı qaýipsizdik aýqymyndaǵy zertteýler áskerı salanyń barlyq negizgi baǵyttarynda damyp keledi. Buǵan kóptegen jas ǵalymdardyń, ǵylymı-zertteý toptary men ujymdardyń sheteldik ǵalymdarmen halyqaralyq yntymaqtastyqqa jemisti jumysqa qyzyǵýshylyǵyn arttyrýǵa yqpal etip, bul sheteldik ortalyqtar men ǵylymı-zertteý ınstıtýttaryndaǵy materıaldar men aqparatqa qol jetkizýge múmkindik beredi.
