Álem • 18 Qazan, 2021

Basqa basylymdarǵa sholý

86 ret kórsetildi

Aýǵan qyzdary mektepke barmaıdy

 

Aýǵanstan syrtqy ister mınıstriniń min­detin atqarýshy jaqsy qarym-qatynas ornatýǵa nıetin bildirgenimen, Aýǵanstan qyzdaryna mektepke oralýǵa ruqsat berý týraly halyqaralyq talaptardyń qatań mindettemelerin qabyldaýdan bas tartty.

Batys qoldaǵan burynǵy úkimet qulaǵannan eki aı ótken soń, jańa Talıban ákimshiligi ekonomıkalyq daǵdarystyń aldyn alýǵa kómektesý úshin basqa eldermen qarym-qatynas ornatýǵa májbúr bolyp otyr.

Dúısenbide Dohada Qaqtyǵystar men gýmanıtar­lyq zertteýler ortalyǵy uıymdastyrǵan is-sharada syrt­qy ister mınıstriniń mindetin atqarý­shy Mýl­la Ámir Han Mýttakı «Halyqaralyq qoǵamdas­tyq bizben yntymaqtasýdy bastaýy kerek. Osynyń nátıjesinde biz qaýipsizdikke qol jetkizip, sonymen birge álemmen oń qarym-qatynas jasaı alamyz», dedi.

Dese de Talıban áli kúnge deıin qyzdarǵa orta mektepke oralýǵa ruqsat berýden bas tartyp otyr. О́tken aıda altynshy synyptan joǵary synyptar tek uldarǵa ǵana ashylady degen sheshim qabyldanǵan-dy. Sodan keıin halyqaralyq qoǵamdastyq qyzdardyń oqýǵa oralýyn basty talaptarynyń biri retinde kórsetken.

Mýttakı Talıban Islam Ámirliginiń úkimeti abaılap áreket etetinin aıtty. «Biraq bizdiń bılikke birneshe apta buryn kelgenimizdi eskerý kerek. Halyqaralyq qoǵamdastyq 20 jyl ishinde júzege asyra almaǵan reformalardy biz aıaqtaıdy dep kútýge bolmaıdy», dedi ol.

«Olardyń qarjylyq resýrstary kóp boldy jáne olar halyqaralyq qoldaýǵa ıe edi. Biraq sonyń ózinde bizden eki aıdyń ishinde barlyq salany re­for­malaýdy suraısyz ba?» degen ýájin de bildirdi.

BUU Bas hatshysy Antonıý Gýterrısh Talıban áıelder men qyzdardyń quqyqtaryna kepildik berý týraly ýádelerdi buzdy jáne eger áıelderge jumys isteýge tyıym salynsa, ekonomıkany túzetý múmkin bolmaıdy dep málimdedi. 

 

Makron Parıj polısııasynyń qataldyǵyn moıyndady

 

Fransııa prezıdenti Emmanýel Makron 1961 jyly Parıjde ótken aljırlikterdiń nara­zy­lyǵyn polısııanyń qatal túrde basýyn «keshiril­meıtin» qylmys dep aıyptady, degenmen kópshilik kútkendeı resmı keshirim suramady.

Jeksenbide Parıj polısııasy ondaǵan adamdy óltirip, ondaǵan adam jaraqattanǵan, bılik jasyryp kelgen qaıǵyly oqıǵaǵa 60 jyl tolady.

Zardap shekkenderdiń naqty sany belgisiz, degenmen keıbireýler júzdegen azamattyń ómiri qıylǵan bolýy múmkin degen boljam aıtady.

«Qýǵyn-súrgin aıaýsyz boldy. 12 000-ǵa jýyq aljırlik qamaýǵa alyndy... Kóptegen jaralydan bólek ondaǵan adam qaza tapty, olardyń deneleri Sena ózenine laqtyryldy», delingen Elıseı saraıynyń málimdemesinde.

Makron – bul oqıǵany moıyndaǵan Fransııanyń ekinshi prezıdenti, biraq onyń bul moıyndaýy kópshilik aldynda emes, málimdeme retinde jarııa­landy. Ol sondaı-aq resmı keshirim suraǵan joq.

Tarıhqa súıensek, 1961 jyly aljırlikter úshin engizilgen komendanttyq saǵatqa qarsy narazylyq aksııasyna 25 000-nan astam adam qatysty. Ony Aljır ulttyq azattyq maıdanynyń Fransýz qanaty uıymdastyrdy.

Qaza tapqandardyń deneleri tabylǵan Sena jaǵalaýynda Fransııa prezıdentteriniń arasynda alǵash ret Makron qaıǵyly oqıǵany eske aldy.

Ol Parıj polısııasynyń bastyǵy Morıs Paponnyń basshylyǵymen «sol túni jasalǵan qylmystar keshirilmeıdi» dep málimdedi. Fransııa prezıdenti qaıǵyly oqıǵada zardap shekken otbasylar qurmetine bir mınýttyq únsizdik jarııalady.

Aljırlikter prezıdentten resmı keshirim kútetinin, bul moıyndaý tek qaǵaz júzinde qalmaýy keregin aıtty.

Sońǵy jańalyqtar

Jetim kórseń, jebeı júr

Aımaqtar • Keshe

Ar aldynda arylý

Rýhanııat • Keshe

Talanttar Otanyn tastap ketkende...

Rýhanııat • Keshe

Kedeı elderge kómek

Ekonomıka • Keshe

Ǵasyr ájimi

О́ner • Keshe

Ǵazymbektiń ǵazız beınesi

Aımaqtar • Keshe

Almatyǵa jaryq qaıta berildi

Aımaqtar • Keshe

Uqsas jańalyqtar