Qalalyq Polısııa basqarmasy baspasóz qyzmeti habar taratqandaı, 18 qazanda «102» jedel arnasyna shuǵyl qyzmet psıhology 12 jasar qyzdyń habarlasqany týraly aıtty.
Jasóspirim óz sózinde ata-anasynyń ony jáne apaıyn uryp-soǵatyny týraly jetkizgen.
«Atalǵan shaǵym boıynsha polısııa qyzmetkerleri tekserý júrgizdi. Belgili bolǵandaı, kámeletke tolmaǵan bala mektepke barmaý úshin osy oqıǵany oılap tapqan. Jetkinshektiń anasy ony qosymsha sabaqtarǵa jazǵan, al oqýshy qyz oǵan qatysqysy kelmegen», dep habarlady vedomstvo ókilderi.
Kámeletke tolmaǵandar isi jónindegi ınspektorlar balamen jáne onyń ata-anasymen profılaktıkalyq áńgime ótkizdi.
