Ekonomıka • 20 Qazan, 2021

Aýǵanstanǵa qaıtadan un sata bastady

54 ret kórsetildi

Jaqynda Aýyl sharýashylyǵy mınıstrligi Aýǵanstanǵa un eksporttaý máselesine baılanysty málimdeme jasady. Onda vedomstvo keıbir qazaqstandyq BAQ-tardy negizsiz aqparat taratty dep aıyptap ta ótedi. 2020 jyly aýǵan naryǵyna elimizde óndirilgen 2 mln tonnadan astam astyq pen astyq ekvıvalentindegi un jiberilgen.

QazTrade derekteri boıynsha, Qazaq­stan Respýblıkasynyń aýmaǵynda jumys isteıtin 300 un eksporttaýshynyń 183-i ózge naryqpen jáne aýǵan naryǵymen de ózara kelisimge ıe. Taǵy 49 eksporttaýshy Aýǵanstanǵa un jóneltýmen aınalysady. Mınıstrliktiń aıtýynsha, Aýǵanstannyń jańa bıligi ornaǵannan keıin de jumys­taryn jalǵastyryp jatqan bıznes-baılanystar bar. Qazaqstandyq aýyl sharýashylyǵy ónimderin soltústik aýǵan provınsııalary – Balh, Baǵlan, Tahar jáne Qundyz, sondaı-aq astanalyq aımaq jáne Kabýl qalasy paıdalanady.

«Aýǵanstandaǵy saıası ahýaldyń ózgerýi shynymen de barlyq áriptes elder­men, onyń ishinde Qazaqstanmen saýda opera­sııalarynyń toqtatyla turýyna alyp keldi. Biraz ýaqyt boıy bankaralyq tranzak­sııa­lar men temir jol vagondaryn jetkizý múmkin bolmady, óıtkeni ıeleri olardyń saqtalýy men qaıtarylýy úshin qoryq­ty. Alaıda qazirgi ýaqytta problemalar sheshildi: tranzaksııalar úshinshi elderdiń bankteri arqyly júzege asyrylady, vagondardy jóneltý qalpyna keltirildi. Qyrkúıek pen qazan aıynyń basynda Qazaqstannan Aýǵanstanǵa 60,2 myń tonna un men 15,6 myń tonna astyq jóneltildi. Keıin jetkizý qarqyny artatyn bolady» delingen mınıstrlik habarlamasynda.

Sondaı-aq mınıstrlik un tartýshylar úshin óndiris kólemin ulǵaıtý maqsatynda tıisti jaǵdaılar jasalatynyn, eksport kezinde qosymsha qun salyǵyn jedel qaıtarý qolǵa alynatynyn da aıtady. О́ńdelgen ónimdi tasymaldaýǵa memle­kettik qoldaý sharalary da qarastyrylǵan.

Sońǵy jańalyqtar

Prezıdentke UQK tóraǵasy esep berdi

Prezıdent • Búgin, 17:50

Dollar arzandady

Qarjy • Búgin, 16:50

12 jastaǵy qyzdy tonaǵan ury ustaldy

Qazaqstan • Búgin, 14:42

Bıyl 93 eldi meken gazben qamtylady

Qazaqstan • Búgin, 14:01

Uly dalanyń ulaǵaty

Aımaqtar • Búgin, 12:23

Uqsas jańalyqtar