Aımaqtar • 20 Qazan, 2021

Jel elektr stansasy salynýda

66 ret kórsetildi

Sarqan aýdanynyń aýmaǵynda qýaty 50 MVt bola­tyn jel elektr stansasy salynýda. Bul Almaty ob­lysynda «jasyl» energetı­kany odan ári damytýǵa jáne jergilikti jerde óndiriletin elektr energııasy kólemin ulǵaıtýǵa yqpal etedi.

Sarqan aýdanyndaǵy Lepsi aýy­ly mańyna salyna bastaǵan jel elektr stansasy qazirgi kezde aýdan aýmaǵynda iske asyrylyp jatqan iri ınvestısııalyq jobalardyń biri bolyp otyr. Is basyndaǵy «Abaı-2 JES» JShS ókilderi qurylys jumystaryn 2019 jyly bastaǵan, 2022 jyly aıaqtalady dep josparlap otyr. Mańyzdy nysanǵa eń aldymen jol tartylyp, qazir mamandar qondyrǵylardyń irgetasyn quıýda. Qurylys alańynda júzge tarta adam jumys isteıdi.

– Bul – qýaty 50 MVt-tan asatyn jańa stansa bolaıyn dep tur. Jyl sońyna deıin alǵashqy 6 jel qon­dyrǵysy ornatylyp, iske qosy­lady. Jelden qýat jınaıtyn stansa Lepsi aýylynan 80 shaqyrym jer­degi jazyqta ornalasqan. Onda árqaı­sysynyń qýaty 3,2 MVt bolatyn 16 jel qondyrǵysy bolady, baǵa­nalardyń bıiktigi 100 metrge, jel dóńgelekteri qalaqtarynyń bıiktigi 70 metrge jetedi. Nysannyń salynýy arqyly aýdanǵa 19,3 mlrd teńge ınvestısııa tartyldy, – deıdi aýdan ákimi Talǵat Qaınarbekov.

Jalpy, búginde Jetisý aıma­ǵyn­da jańartylǵan energııa kózin óndi­retin 31 nysan bolsa, olardyń jalpy qýaty 317,67 MVt shamasynda eken. Onyń ishinde 18 sý elektr stan­sasy, 7 jel elektr stansasy já­ne 6 kún elektr stansasy bar.

 

Almaty oblysy

 

Sońǵy jańalyqtar

Belarýssııa referendým ótkizedi

Álem • Búgin, 13:05

30 soqqy – 1 gol

Fýtbol • Búgin, 12:51

Mýngııanyń armany – Golovkın

Kásipqoı boks • Búgin, 10:35

QazUÝ-da Táýelsizdiktiń onkúndigi bastaldy

Táýelsizdiktiń 30 jyldyǵy • Búgin, 09:55

«Qyzyl» aımaqta qalǵan jalǵyz-aq oblys

Koronavırýs • Búgin, 09:50

Qazaqstanda qansha adam vaksına saldyrdy

Koronavırýs • Búgin, 09:45

1137 adam koronavırýs indetinen saýyqty

Koronavırýs • Búgin, 09:30

Omıkron álemniń 20 memleketinen tabyldy

Koronavırýs • Búgin, 00:00

Altaı úzdikteri anyqtaldy

Aımaqtar • Keshe

Uqsas jańalyqtar