Rýhanııat • 21 Qazan, 2021

Úlken qalada adasý

281 ret kórsetildi

Alqarakók aspandy qaq jaryp, zeńgir kóktiń ústinde qalqyǵan ushaqpen birge, biz de arman bıiginde terbelip kelemiz. Terezeden tysqa kóz salsaq aq bulttardyń arasynda ádemi aq kemeler ushyp júrgendeı kórinedi. Aq ulpa mamyqtar túpsiz teńizge bir batyp, bir shyqqan qaltqydaı qozǵalady. Bosfordyń kemesi bulttan, bulty kemesinen kóp  eken. Áıteýir, Eýropa men Azııany bólip turǵan alyp buǵazdy odan saıyn áserli ete túsetin osy ekeýi sekildi. Aq bultaq keme. Osy kóriniske tańdanyp, taǵatsyzdana otyrǵanda mejeli jerge jettik. Aldymyzdan alyp Ystanbul kútip aldy.  

Ushaq terezesinen qara­ǵa­nym­­da qumyrsqanyń ıleýin­­deı kóringen birtekti úı­ler balań oıymdy tipti ár­lendirip jibergendeı. Jer-Ana qushaǵynyń keńdigine me, tumsa tabıǵattyń tamasha tartýyna ma, álde ushy-qıyry kórinbeıtin qalanyń mańǵaz bolmysyna, múmkin órkenıetiniń shyrqaý bıigine bolar, áldenege kóńil masaırap tur. Qaraqurym halyq­tyń arasyna enip ketip, bar áserdi boıymyzdan ótkizgi­miz keletin dalalyq túısik te joq emes.

Biz kóne shaharǵa qydy­rýǵa kelgenimiz joq. Birneshe kún mamandyq boıynsha tá­jirıbe alyp, bilim shyń­daýǵa barǵanbyz. Negizgi ba­ǵy­­­ty­myz – osy. Dese de, úl­­ken qa­la­­nyń qyzyǵyna enip ketý­ge ketári emespiz. Osy­laı­­sha sabaqty erterek aıaq­tap, bári­miz Ystanbuldy ta­ma­sha­laýǵa attandyq. Biraq bári biz oılaǵandaı bolmady. Alyp shári alaqanyna sa­­lyp aıa­laǵan joq. Adasa bas­­ta­ǵan al­ǵashqy burylys­ta-aq qala turǵyndary jol suraǵan bizdiń sózimizdi júre qa­byldady. Jón surap mú­sá­pir kúı keshkenimizde beti­mizge bedireıip qarady da qoı­­dy. Kólik júrgizýshilerge de al­­dandyq. Týrıst ekeni­miz­di seze qoıyp, jolǵa artyq aq­sha aldy. Ony sezdik, biraq qar­sylyq tanyta almadyq. Sóıte tura ol renishimizdi qa­la­nyń qarbalasyna telip qo­ıyp júre berdik. Basqa ama­­lymyz joq ekenin, júre bersek kóre beretinimizdi túsindik.

Sóıtip, úlken qalada adas­tyq. Esime ózimizdiń astana oral­dy. , ıá, bul sát me­niń ba­symnan buryndary da ót­ken. Aýyldan qalaǵa kel­gen qar­shadaı qyzdyń tar kóshe­lerde adasqany áli de kóz aldymda.

Bul qalada bir-birimen qyz qýý oınaǵan qýyrshaq kólik­termen aıaldamadan kelesi aıal­damaǵa aıańdap basqan avto­­býstar ǵana turatyn sııaq­ty edi. Kóbine baratyn jeriń­nen jańylyp, jol izdep júresiń. Kóshe boılap jan-jaǵyńa kóz qadaısyń. Aldyń­nan kezik­kenniń kóbi­niń júzi tanys, buryn jolyq­qan kisiń sekildi kórine­di. Alaıda saýlyq suramaısyń, jón suraısyń. Kóbine «bilmeımin» dep ernin jybyr­latqan beınelerdi kóre­siń. Sońynda odan da kó­ńiliń qalyp, eshkim­nen jón suramaýǵa beki­nesiń. Qala adamdy osylaı qataıtady. Osylaı kóp nár­sege tańǵal­maıtyn, óziń jáne álem ǵana baryn moıyndaıtyn tas qala turǵynyna aınalasyń.

О́mirdiń keı sátterinde de osy kórinis bar. Ásirese, qo­ǵamda aǵa býynnyń keıingi tol­qyndy moıyndamaýy, jón siltep, jyly qabaq tany­ta al­maýy jastardyń adasý­y­­na ıtermelemeı me? Al keri­­sinshe jasy kishiniń úl­ken­d­erden keńes alyp, jol su­ra­maýy, ózim bilemdikke sa­ly­­nyp, menmendikke boı al­dyrýy ózderin odan ári ty­ǵy­ryqqa aparmaı ma? Bul árıne, eki tolqynnyń ara­syn­daǵy kórinbeıtin kópir jo­ǵa­lady degen sóz emes. Tek ol «kópir» jóndelmeı qala ma degen qaýip...

Úlken qalada kúnine san alýan oqıǵany, ártúrli jaǵ­daıdy bastan ótkizemiz. Sonyń árqaısysyna ózimizshe kesim aıtyp, syrttaı baǵa beretinimiz jasyryn emes. Tipti, súrinisterimiz ben qate­likterimizdi jınap-terip, túıin túıe júretinimiz de bar. Bizdiń jańsaq pikiri­miz, orasholaq oıymyz, kisige degen kózqarasymyz bizdiń mádenıetimizdiń dárejesin ásh­kereleıtini taǵy bar. Son­daǵy oıymyz bir kezde qala­ǵa dalanyń jýsan ıisin ala kelgen bolmysymyz az ýaqyt­ta qalanyń shańyn juq­ty­­ryp alǵan sekildi. Sony jýyp keti­re almaı, qaǵyp tú­si­re almaı júrgen joqpyz ba?

, alyp qala qaınap jat­qan taıqazan sekildi. Onyń betin­de qalqyǵan maıy da, túk­ke jaramsyz qur kóbigi de bar. Sonyń qaısysyn qal­qyp júrmiz? Qyzyǵy, qala qal­ǵy­maıdy, únemi oıaý.

Osyny aıtyp kúbirle­gende qasymdaǵy serigim eleń ete qaldy. Ushaq ta kók­ke kóterile bastaǵan eken. Kele­si kelgende jón kórseter jan ta­by­lar. Biz ózimiz adasyp úı­rengen astanamyzǵa qaıt­tyq. Úlken qalada adasyp júrip, armanyna jetkender az...

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar