Ekonomıka • 21 Qazan, 2021

Fızıkalyq ýran qoryna qatysady

44 ret kórsetildi

«Qazatomónerkásip» ulttyq atom kompanııasy Dırektorlar keńesiniń uıǵarymymen «Astana» halyqaralyq qarjy ortalyǵynyń janyndaǵy ANU Energy OEIC Ltd tabıǵı ýran qoryna qatysatyny týraly sheshimdi qabyldady.

Bul týraly atalǵan kompanııa­nyń baspasóz qyzmeti habarlady. Munyń negizgi maqsaty – ýrandy uzaqmerzimdi ınvestısııa retinde saqtaý, onyń bastapqy satyp alýy qor quryltaıshylarynyń 50 mln dollar mólsherindegi birlesken ınvestısııalar esebinen júzege asyrylady. Qordyń ınvestorlary «Qazatomónerkásip» (48,5%), «Qazaqstan Ulttyq bankiniń Ult­tyq ınvestısııalyq korporasııa­sy» AQ (48,5%) jáne 3%-dy ıelenetin Genchi Global Limited («Qor menedjeri») sanalady.

Qordyń operasııalyq qyz­meti bastalǵannan keıin ony damy­týdyń ekinshi kezeńi sheń­berinde ýrannyń qosymsha kólemin satyp alý maqsatynda jarııa nemese jeke ornalastyrý arqy­ly 500 mln dollar kólemindegi ınves­tısııany ınstıtýsıonaldy neme­se jeke ınvestorlardan tartý kózdeledi. Bul rette orna­lastyrý parametrleri men merzim­deri naryqtyq sharttarmen aıqyndalady.

«Qor «Qazatomónerkásiptiń» ýran naryǵyndaǵy tájirıbesin jáne «Ulttyq ınvestısııalyq ko­r­po­ra­sııasynyń» senimdi ın­ves­tı­sııalyq tarıhyn birik­tirip, AHQO quraldary ar­qyly ın­ves­torlarǵa ýran nary­ǵy men atom ónerkásibiniń tartym­dy uzaq­merzimdi irgeli múmkin­dik­terine tikeleı qol jetkizýge jol ashady. Kompanııa barlyq múd­deli tarap úshin uzaqmerzimdi na­ryq­tyq qundylyqty qurýǵa baǵyt­tal­ǵan keńeıtilgen strategııasy sheńberinde ANU Energy jobasy boıynsha tórt jyldaı jumys istegen bolatyn. Al qordyń ýran naryǵynda qys­qaryp bara jatqan usynys jaǵ­daıynda qurylýy barlyq steık­holderge (múddeli tarapqa) eleý­li paıda ákeledi», dedi «Qazatom­ónerkásiptiń» bas­qar­ma tóraǵasy Májıt Sháripov.

Taza energııa kózderine, onyń ishinde tómen kómirtekti jáne mı­nımaldy klımattyq áser­­ge ıe atom energetıkasyna álem elderiniń nazar aýdarýy ýran ónerkásibi úshin senimdi kepil sanalady. Alaıda sońǵy ýa­qyt­­ta halyqaralyq jáne aı­maq­­tyq ınvestorlar tarapynan qyzyǵýshylyqtyń artýyna qara­mastan tabıǵı ýranǵa qol jet­kizý eki ýran qorymen shektelgen bolatyn. Bular – Kanadadaǵy Toronto qor bırjasy jáne Lon­dondaǵy AIM Exchange (London qor bırjasynyń bóligi) qor bırjasy.

AHQO alańynda qurylǵan ANU Energy qory damýshy na­ryq­tarǵa ınvestısııalaryn ba­ǵyt­taıtyn, ásirese ekologııa, áleý­­mettik jaýapkershilik jáne kor­­poratıvtik basqarý (ESG) má­se­lerine jáne taza energııaǵa nazar aýdaratyn ınvestorlar­dyń árt­úrli sanattaryna, sondaı-aq shıki­zat qorlaryna, táýel­siz qor­larǵa jáne memlekettik kásip­­­oryndarǵa tikeleı qol­jetim­dilikti qamtama­syz etetin alǵashqy ýran qoryna aınalady degen senim basym.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar