Aımaqtar • 21 Qazan, 2021

Semeıde muǵalimderdi kóshe sypyrýǵa jibergender jaýapqa tartyldy

119 ret kórsetildi

Semeıde pedagogterdi kóshe sypyrýǵa jibergen laýazymdy tulǵalar ákimshilik jaýapqa tartyldy, dep habarlaıdy Egemen.kz QR Bilim jáne ǵylym mınıstrliginiń baspasóz qyzmetine silteme jasap.

Semeı qalasy ákiminiń orynbasary D.A. Garıkovke qatysty tártiptik sharalar qoldaný týraly hat joldandy.

Semeı qalasy bilim bóliminiń basshysy N.A. Fesenkoǵa qatysty sógis túrinde tártiptik jaza qoldanyldy. Sondaı-aq, ol ákimshilik jazaǵa tartyldy.

№ 9 OM dırektory N.V. Tegaı jáne №43 OM dırektorynyń m. a. A.V. Iskrına ákimshilik jaýapqa tartyldy.

Eske sala ketsek, áleýmettik jelilerde 16 qazanda Semeı qalasynyń №43 mektebinde oqý prosesine kedergi keltirip, muǵalimderdi senbilikke kóshe sypyrýǵa jibergeni týraly jarııalanymdar taraǵan bolatyn.

Pedagogterdi qyzmetinen tys jumystarǵa tartý, onyń ústine oqý prosesine kedergi keltirý «Pedagog mártebesi týraly» Zań talaptaryna qaıshy keledi.

QR BǴM Bilim jáne ǵylym salasynda sapany qamtamasyz etý komıtetiniń, sondaı-aq ShQO Bilim salasynda sapany qamtamasyz etý departamentiniń qyzmetkerleri ákimshilik isti qarady.

Tekserý barysynda senbilikke №43 mektebiniń pedagogterinen basqa №9 mektebiniń muǵalimderi de jiberilgeni anyqtaldy.

Ákimshilik isti qaraý barysynda pedagogter qalany abattandyrý jumystaryna Semeı qalasy ákiminiń orynbasary D.A. Garıkovtyń haty negizinde shyqqany anyqtaldy. Hatta pedagogterdiń senbilikke tańǵy saǵat 09:00-de shyǵýyn qamtamasyz etý tapsyrylǵan. Sondaı-aq, hattyń ákim orynbasarynyń qoly qoıylǵan qosymshasyna sáıkes ár mektepke aýmaqty tazartý jumystaryn júrgizý úshin belgili bir ýchaske berilgen. Tapsyrmanyń oryndalýyn baqylaý ákimdiktegi bólimshelerdiń birine júktelgen.

Bilim jáne ǵylym mınıstrligi oblystar men respýblıkalyq mańyzy bar qalalardyń ákimdikterine pedagogterdi paıdalaný jáne olardy qyzmetinen tys jumystarǵa tartý boıynsha osyndaı áreketterge jol berilmeýi tıis ekendigi týraly túsindirilgen hat joldady.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar