Ekologııa • 21 Qazan, 2021

Kúrshim ózeni de lastana bastady

52 ret kórsetildi

Áleýmettik jelilerde Shyǵys Qazaqstan oblysyndaǵy Kúrshim ózeniniń lastanýy týraly beınerolık tarady, dep habarlaıdy Egemen.kz.

Osyǵan baılanysty, Shyǵys Qazaqstan oblysy boıynsha Ekologııa departamenti jergilikti IIB jáne prokýratýra qyzmetkerlerimen birlesip oqıǵa ornyna dereý bardy, dep habarlady Ekologııa mınıstrliginiń baspasóz qyzmeti.

Kúrshim ózeniniń arnasyn Maraldy aýylyna qaraı tekserý barysynda ózenniń Qıynsý ózeni aǵatyn jerde (Maraldy aýylynan shamamen 12-15 km) lastaný faktisi tirkeldi. Bul rette Kúrshim ózeniniń sýy Qıynsý ózeni aǵatyn jerden joǵarysy, taza. Jedel top Maraldy aýylynyń mańynda ornalasqan «Maralıhagold» JShS baǵaly metaldardy barlaý jáne óndirý ornyn qarap shyqty.

Júrgizilgen tekserý 2-3 tundyrǵyshta kendi baıytý kezinde buryn paıdalanylǵan sý joq ekenin kórsetti. «Maralıhagold» JShS jumysshylarynyń aıtýynsha, 14 qazanda óndiriste paıdalanylǵan sý «Vasılevskıı» bulaǵyna túsken. Vasılevskıı bulaǵynyń sýy «Býgýl» bulaǵyna quıady, ol Qıynsý ózenine, al ol óz kezeginde Kúrshim ózenine quıady.

«Atalǵan fakti AIIB aqparatty esepke alý kitabynda tirkelgen. Jınalǵan materıal Ekologııa departamenti men Ertis basseındik ınspeksııasyna jiberildi. Qabyldanǵan sharalar týraly aqparat qosymsha habarlanatyn bolady», delingen habarlamada.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar