Koronavırýs • 21 Qazan, 2021

Almatyda baqylaý kúsheıtildi

617 ret kórsetildi

Almatyda Eýropa elderi men Reseıden kelgenderge baqylaý kúsheıtildi. Bul týraly óńirlik kommýnıkasııalar qyzmetiniń baspasóz máslıhatynda Jandarbek Bekshın málim etti, dep habarlaıdy Egemen.kz.

Onyń aıtýynsha, kóliktegi sanıtarlyq-epıdemıologııalyq baqylaý basqarmasynyń epıdemıolog mamandary men medısına qyzmetkerleri osy elderden Almaty halyqaralyq áýejaıyna kelgenderdi baqylaýdy kúsheıtti. Shetelden kelgen barlyq jolaýshylar joǵary temperatýrany tirkeıtin arnaıy quralmen skanerlenedi.

«Reseı Federasııasyndaǵy jaǵdaı kúrdelene tústi, biz Eýropa men Reseıden kelgenderdi baqylaýdy kúsheıttik, óıtkeni onda qazir aýrýdyń kúrt óskeni baıqalady. Rýmynııada, Ulybrıtanııada jáne Baltyq elderinde antırekord tirkeldi. Halyq qazirgi ýaqytta aınalymdaǵy delta shtamyna jete mán berýi kerek. Eger buryn dıareıa sııaqty KVI sımptomy basym bolsa, búginde oǵan neırotoksıkalyq sındrom qosyldy, bul - este saqtaý qabiletiniń nasharlaýy. Naýqastar aýrýhanaǵa túsken kezde esin joǵaltady. Bas mıy zaqymdanady, aýyryp jazylǵan adamdy postkovıd sındromy mazalaıdy», dep túsindirdi Jandarbek Bekshın.

Sonymen qatar ol qaýip aımaǵynda áli kúnge deıin aýrýdy qıyndatatyn qart adamdar bar ekenin aıtty.

«Eń kóp juqtyrǵandar - 20-39 jastaǵy azamattar, olar aptasyna juqtyrǵandardyń 28%-yn quraıdy, 24% - 40-59 jastaǵy turǵyndar, 25% - 60 jastan asqan adamdar. Sońǵy aptada balalar men jasóspirimder arasynda aýrý kórsetkishiniń 2,6% óskeni baıqalady», deıdi Almatynyń bas sanıtar dárigeri.

Jandarbek Bekshın vaksınalanýdy keıinge qaldyrmaýǵa, adamdar kóp jınalatyn oryndarǵa, túngi klýbtarǵa, meıramhanalarǵa barýdy, úı is-sharalaryn ótkizýdi shekteýge shaqyrdy.

«Qazir ımmýndyq qabat 54% paıyzǵa jetti. Eger osyndaı qarqyndy saqtap qalatyn bolsaq, onda vaksınasııa merzimi jyl sońyna deıin sozylyp, 70%-ǵa jetýi múmkin», dedi spıker.

Sońǵy jańalyqtar

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Bek pen Aıdos jattyǵýǵa kiristi

Kásipqoı boks • Keshe

Uqsas jańalyqtar