Úkimet • 22 Qazan, 2021

Májilis «Adam quqyqtary jónindegi ýákil týraly» Zań jobasyn qaraıdy

42 ret kórsetildi

Palata Spıkeri Nurlan Nyǵmatýlınniń tóraǵalyǵymen Májilis Bıýrosynyń otyrysy ótip, onda depýtattardyń aldaǵy jalpy otyrysynyń kún tártibiniń jobasy ázirlendi, dep habarlaıdy Egemen.kz.

Palataǵa adam quqyqtary jónindegi ýákilge qatysty zań jobalarynyń toptamasyn birinshi oqylymda talqylaý usynylady. Bul «Qazaqstan Respýblıkasyndaǵy Adam quqyqtary jónindegi ýákil týraly» Zań jobasy, sondaı-aq onyń qyzmeti máseleleri boıynsha zańnamalyq túzetýler, sonyń ishinde ÁQBtK jáne Salyq kodeksine túzetýler.

Depýtattar zań jobalaryn zańnamalyq deńgeıde adam quqyqtary jónindegi ýákildiń quqyqtyq mártebesin, onyń qyzmetiniń qaǵıdattary men kepildikterin, sondaı-aq adam men azamattyń buzylǵan quqyqtaryn qalpyna keltirý jónindegi quzyretti aıqyndaý maqsatynda ázirledi.

Bıýdjet kodeksine, QIJK, AIJK, APK-ge, sondaı-aq birqatar zańdarǵa túzetýler adam quqyqtary jónindegi ýákilge memlekettik organnyń, jergilikti memlekettik basqarý jáne ózin-ózi basqarý organdarynyń, laýazymdy adamdardyń, memlekettik qyzmetshilerdiń sheshimderimen nemese áreketterimen (áreketsizdigimen) buzylǵan shektelmegen adamdar tobynyń quqyqtary men bostandyqtaryn qorǵaý úshin talap aryzben sotqa júginý múmkindigin berýge baılanysty.

ÁQBtK-degi túzetýlermen Adam quqyqtary jónindegi ýákilge ımmýnıtetti qamtamasyz etý kózdeledi, al Salyq kodeksine tolyqtyrýlarmen ýákil jiberetin talap qoıýdyń memlekettik bajynan bosatý bekitiledi. Májilis depýtattary birinshi oqylymda «Janýarlarǵa jaýapkershilikpen qaraý týraly» zań jobasyn, sondaı-aq oǵan ilespe túzetýlerdi qaraıdy.

Zań jobasy janýarlardy ustaý kezinde jalpy jáne arnaıy talaptardy belgileýge, janýarlardy qatygezdikten, azap pen ólimnen qorǵaýǵa, qoǵamnyń adamgershiligin nyǵaıtýǵa baǵyttalǵan. Túzetýler Qylmystyq kodekske, ÁQBtK-ge, «Qazaqstan Respýblıkasyndaǵy jergilikti memlekettik basqarý jáne ózin-ózi basqarý týraly», «Veterınarııa týraly», sondaı-aq «Janýarlar dúnıesin qorǵaý, ósimin molaıtý jáne paıdalaný týraly» zańdarǵa engiziledi. Palatanyń jalpy otyrysynda beıindi komıtetterge jańa zań jobalary boıynsha qorytyndylar daıyndaý merzimderin belgileý qajet.

Sońǵy jańalyqtar

Amanatqa adaldyq

Ádebıet • Keshe

Jantórın jańalyǵy

Kıno • Keshe

Azattyq úshin arpalysqan

Tarıh • Keshe

Dıllıan Ýaıt qaharyna mindi

Kásipqoı boks • Keshe

Uqsas jańalyqtar