О́ner • 22 Qazan, 2021

Tallınde «Muqaǵalı» fılminiń halyqaralyq premerasy ótedi

182 ret kórsetildi

Aty ańyzǵa aınalǵan qazaq aqyny Muqaǵalı Maqataev týraly «Muqaǵalı» kórkem fılmi 2021 jylǵy 12-28 qarashada Estonııada ótetin mereıli 25-shi Tallın kınofestıvaliniń «Kúńgirt túnder» (PÖFF) negizgi konkýrstyq baǵdarlamasyna engizildi, dep habarlaıdy Egemen.kz.

Bul týraly «Qazaqfılm» kınostýdııasynyń prezıdenti Aqan Sataev túsirilim tobynyń qatysýymen Almatyda ótken fılmniń tusaýkeseri kezinde málimdedi.

Aıta ketý kerek, bul sharaǵa Muqaǵalı Maqataevtyń uly men kelini – Juldyz jáne Baqytkúl Maqataevtar da qatysty, olar shyǵarmashylyq ujymnyń atqarǵan jumystary úshin alǵys bildirip, aqynnyń 90 jyldyǵyna oraı shyǵarylǵan mereıtoılyq medaldardy tabys etti. Medaldardy alǵan rejısser Bolat Qalymbetov pen ssenarıı avtorlarynyń biri Júsipbek Qorǵasbek bul olardyń eń basty syılyǵy ekenin atap ótti.

«A» sanatyndaǵy «Kúńgirt túnder» kınofestıvali 1997 jyldan beri ótkizilip keledi, bul Baltyq jaǵalaýyndaǵy eń úlken festıval jáne Shyǵys Eýropadaǵy eń iri kıno kórsetilimderdiń biri. Festıvaldi uıymdastyrýshylardyń aıtýynsha, bıyl PÖFF-tiń negizgi konkýrstyq baǵdarlamasyna barlyǵy 19 fılm engizilgen, olardyń arasynda qazirdiń ózinde marapattalǵan fılmder men kóptegen dúnıejúzilik jáne halyqaralyq premeralar bar.

«Biz festıvaldiń 25 jyldyq mereıtoıyna tańdalǵan fılmderdi maqtan tutamyz, olar tań qaldyrady, ári ózińe jańa nárseni ashýǵa múmkindik beredi jáne júrektiń túbine deıin boılaıdy», dedi, PÖFF dırektory Tıına Lokk.

Aıta keterligi, festıvaldiń basty baıqaýynda qazaqstandyq rejısser Ádilhan Erjanovtyń «Ujymdyq ımmýnıtet» fılmi de bas júldege talasady. Sonymen qatar, «Jastar fılmi» baıqaý baǵdarlamasynda rejısser Farhat Sháripovtiń «18 kılogers» fılmi bar.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar