Qoǵam • 22 Qazan, 2021

Jyl basynan beri 140 adam óndiris barysynda qaıtys bolǵan

75 ret kórsetildi

О́ndiristik jaraqattanýdyń aldyn alý boıynsha qabyldanǵan sharalardyń arqasynda sońǵy 5 jylda zardap shekkenderdiń sany 10,7%-ǵa, onyń ishinde óndiriste qaza tapqandardyń sany 16%-ǵa azaıdy. Bul týraly Eńbek jáne halyqty áleýmettik qorǵaý mınıstri Eńbek, áleýmettik qorǵaý jáne kóshi-qon komıtetiniń tóraǵasy Erbol Nurǵalıev málim etti, dep habarlaıdy Egemen.kz.

«Qazaqstanda jyl saıyn kásiptik aýrýlardyń 400-den astam jaǵdaıy tirkeledi. Sońǵy 3 jylda olardyń sany 21%-ǵa azaıdy. Qabyldanǵan keshendi sharalar nátıjesinde sońǵy 5 jylda (2016-2020 jj.) óndiriste zardap shekkender sany 10,7%-ǵa (1683-ten 1503 adamǵa deıin), onyń ishinde qaza bolǵandar sany – 16%-ǵa (248-den 208 adamǵa deıin) azaıdy. Jazataıym oqıǵalardyń jıilik koeffısıenti 1000 jumysshyǵa shaqqanda 0,32-den 0,23-ke deıin tómendedi», dep habarlady Erbol Nurǵalıev.

Vedomstvo basshysynyń aıtýynsha, bıyl 9 aıda elimizdiń kásiporyndarynda 1062 adam zardap shekti (2020 jyldyń 9 aıynda – 1023 adam), onyń ishinde 140 adam qaza tapty (2020 jyldyń 9 aıynda – 144 adam).

О́ndiristik jaraqattanýdyń ósýi: Aqtóbe (54 adamnan 91 adamǵa deıin), Atyraý (21 adamnan 38 adamǵa deıin), Jambyl (34 adamnan 42 adamǵa deıin), Qyzylorda (32 adamnan 53 adamǵa deıin), Pavlodar (76 adamnan 87 adamǵa deıin) oblystarynda jáne Nur-Sultan qalasynda (32 adamnan 43 adamǵa deıin) baıqalady.

Qaza tabý jaǵdaılarynyń sany Aqtóbe (11-den 19 adamǵa deıin), Jambyl (4-ten 14 adamǵa deıin), Batys Qazaqstan (2-den 5 adamǵa deıin), Qyzylorda oblystarynda (5-ten 12 adamǵa deıin), Nur-Sultan qalasynda (10-nan 14 adamǵa deıin), Shymkent qalasynda (4-ten 5 adamǵa deıin) artty.

Jaraqattanýdyń joǵary deńgeıi Qaraǵandy (183 adam zardap shekti), Shyǵys Qazaqstan (124 adam), Aqtóbe (91 adam), Pavlodar (87 adam), Qostanaı (82 adam), Túrkistan (56 adam) oblystarynda jáne Almaty qalasynda (69 adam) saqtalýda.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar