Qazaqstan • 22 Qazan, 2021

«Táýelsizdik týraly 100 áńgime» jaryq kórdi

114 ret kórsetildi

«QazAqparat» HAA» AQ el Táýelsizdiginiń 30 jyldyǵyna arnap «Táýelsizdik týraly 100 áńgime» elektrondy kitabyn daıyndap, shyǵardy. Aqparat jáne qoǵamdyq damý mınıstrliginiń qoldaýymen, qazaq, orys jáne aǵylshyn tilderinde shyqqan kitaptyń elektrondy nusqasy qalyń oqyrmanǵa qoljetimdi, dep habarlaıdy Egemen.kz mınıstrliktiń baspasóz qyzmetine silteme jasap.

«Táýelsizdik týraly 100 áńgime» kitaby - 1991 jyldan bastap búgingi kúnge deıingi sońǵy úsh onjyldyqtaǵy Qazaqstan Táýelsizdiginiń jetistikterimen tikeleı nemese janama baılanysty biregeı oqıǵalar almanahy. Kitaptaǵy spıkerlerdiń kópshiligi tarıhı oqıǵalardyń kýágeri bola otyryp, ózderiniń jeke estelikteri men emosııalarymen bólisedi, el damýynyń árbir naqty kezeńiniń buryn belgisiz bolǵan bólshekterin eske alady. Sonymen qatar bul kitapta sońǵy 30 jyl ishindegi elimizde bolǵan ekonomıkalyq, qoǵamdyq-saıası jáne mádenı prosesterdi taldaıtyn salalyq sarapshylardyń pikirleri keltirilgen. Áńgimelerde Qazaqstan Respýblıkasynyń Tuńǵysh Prezıdenti – Elbasy Nursultan Ábishuly Nazarbaevtyń tulǵasy erekshe oryn alady. 

«Táýelsiz memleket qurý men qalyptastyrýdyń aýyrtpalyǵyn, qıyndyǵynyń aýqymyn sol kezeńdi kózimen kórip, tikeleı qatysqandar ǵana naqty aıta alady. Búginde kópshiligimiz úshin syn aıtýǵa jeńil kórinetin elimizdiń búgingi jetken jetistigi – sóz joq, eń aldymen Tuńǵysh Prezıdent – Elbasymyz negizin qalaǵan memlekettik damýdaǵy syndarly saıasattyń arqasy ekeni daýsyz. Elbasy negizin qalaǵan ishki saıası turaqtylyq, ultaralyq kelisim men tatýlyq, áleýmettik-ekonomıkalyq reformalar, syrtqy saıasattaǵy kóp vektorly ustanym syndy basym baǵyttar bizdiń basty qundylyqtarymyz bolyp qala beretini anyq. Biz alǵa qaraı da úlken senimmen osy qalypta júrýimiz úshin – tarıhymyzdy baǵalap, ótkenimizdi umytpaýymyz qajet. Osy rette, «QazAqparat» AQ shyǵarǵan «Táýelsizdik týraly 100 áńgime» kitaby táýelsizdiktiń alǵashqy jyldarynyń estelikterinen syr shertedi. Kitapta Tuńǵysh Prezıdent, Elbasynyń sol kezeńderde seniminen shyǵyp, qasynan tabylǵan áriptesteri el damýyndaǵy mańyzdy sátterdi eske alyp, ózderiniń jeke estelikterimen bólisedi. Qazaq, orys jáne aǵylshyn tilderindegi kitap qalyń oqyrman qaýym úshin qyzyqty bolady dep senemin», dedi Aqparat jáne qoǵamdyq damý mınıstri Aıda Balaeva.

Kitap Qazaqstannyń kórnekti saıasatkerlerimen, ekonomısterimen, sondaı-aq ǵylym, mádenıet jáne sport qaıratkerlerimen eksklıýzıvti suhbattar negizinde qurastyrylǵan. Onda QR birinshi Premer-Mınıstri Sergeı Tereshenko, QR Parlamenti Senatynyń spıkeri Máýlen Áshimbaev, QR Parlament Májilisiniń Tóraǵasy Nurlan Nyǵmatýlın, Tuńǵysh Prezıdent Keńsesiniń basshysy Mahmud Qasymbek, belgili memleket qaıratkeri Qýanysh Sultanov  jáne basqa da kóptegen saıasatkerler joba avtorlaryna ózderiniń jeke áserlerimen bólisken. 

Kitap oqyrmandardyń keń aýqymyna, birinshi kezekte, Qazaqstannyń jańa tarıhyna qyzyǵýshylyq tanytatyndarǵa arnalǵan.

Kitaptyń elektrondy nusqasyn https://100angime.kz/ saıtynan oqyp tanysýǵa, kóshirip alýǵa bolady. Sondaı-aq atalǵan saıtta kitapqa áńgimeleri engen tulǵalar týraly da málimetter berilgen.

Sońǵy jańalyqtar

Álimhanuly-Andrade: Toǵyz aı kútken tolǵaqtaı

Kásipqoı boks • Búgin, 20:35

Japon teńizine 8 tonna kómir tógildi

Oqıǵa • Búgin, 19:35

Ýsık aqsha usynsa, Djoshýa kúte turady

Kásipqoı boks • Búgin, 19:20

Jalǵas qarsylasyn jazalaýǵa daıyn

Jekpe-jek • Búgin, 18:30

Almatyda 5G jelisi iske qosyldy

Tehnologııa • Búgin, 18:05

Pavlovtyń kezekti jekpe-jegi Máskeýde ótedi

Kásipqoı boks • Búgin, 16:50

Jeńilisten keıingi jańa qadam

Kásipqoı boks • Búgin, 16:05

Uqsas jańalyqtar