Qazaqstan • 23 Qazan, 2021

О́zbekstannan Qazaqstanǵa zańsyz qarjy alyp ótpek bolǵan

210 ret kórsetildi

20 000 AQSh dollaryn jáne 23 458 000 teńgeni Qazaqstanǵa zańsyz alyp ótpek bolǵan Qyrǵyzstan azamaty Túrkistan oblysy boıynsha memlekettik kirister departamentiniń «Atameken» keden beketinde qolǵa tústi, dep habarlaıdy Egemen.kz departamenttiń baspasóz qyzmetine silteme jasap.

2021 jyldyń 19 qazanynda saǵat 14:30 shamasynda Túrkistan oblysy boıynsha memlekettik kirister departamenti «Atameken» keden beketiniń jáne «KQJT» shekara narıady qyzmetkerlerimen birlesip, Qazaqstanǵa kirmekshi bolǵan «Volvo» júk kóligin tekserý barysynda, deklarasııalanbaǵan aqshany anyqtady.

«Atalmysh oqıǵa QR Qylmystyq kodeksinde arnaıy qaralǵandyqtan, Qyrǵyzstan azamatyna qatysty tıisti tergeý amaldaryn júrgizý maqsatynda, is Túrkistan oblystyq Ekonomıkalyq tergeý departamentine joldandy», delingen Túrkistan oblysy boıynsha Memlekettik kirister departamentiniń baspasóz qyzmeti habarlamasynda.

Sońǵy jańalyqtar

Uqsas jańalyqtar