Koronavırýs • 24 Qazan, 2021

«Qyzyl aımaqtan» qaıtsek shyǵa alamyz?

1957 ret kórsetildi

Reseıde 30 qazannan 7 qarashaǵa deıin jumysshylardyń jalaqysyn saqtaı otyryp, búkil el boıynsha jumys is­te­meıtin kúnderdi jarııalaý týraly usynys qoldaý tapty. Bul rette óńirlik kommýnıkasııalar qyzmetinde ótken bas­pasóz konferensııasynda oblystyq densaýlyq saqtaý bas­qar­ma­sy­nyń basshysy Aıdar Seıitqazınov Reseı azamattary sheka­ra­las Pavlodar oblysyna tek PTR anyqtamasymen kire alaty­nyn atap ótti.

«О́ńirdegi Reseı oblystarymen shekaralas beketterde kúni-túni turaqty baqylaý júrgiziledi. Memlekettik shekaranyń 4 avtomobıl ótkizý beketi baqylanady. Reseı, Belarýs elderiniń azamattaryna oblys shekarasynan ótýge tyıym salynǵan. Eger bar­­lyq karantındik shara saq­tal­­sa, onda bizdiń óńirge lok­daýn engizýdiń qajeti bolmaıdy. Bul indet juqtyrǵan naý­qas­tar­dyń sanyna baılanysty», dedi A.Seıitqazınov.

Al oblystyq sanıtarlyq-epı­­demıologııalyq baqylaý de­­­­partamentiniń málimetinshe, te­k­­­serý anyqtamalary bar 491 jaıaý adam jáne 253-i júk kóli­gi­niń júrgizýshisi shekaradan be­ri qaraı ótken. Karantındik sta­­sıo­narǵa 10 adam ornalastyryl­sa, 4 sheteldik shekaradan keri qaı­ta­rylǵan.

Oblystyq sanıtarlyq-epı­de­mıologııalyq baqylaý de­par­tamentiniń málimetinshe, qazan aıynyń sońǵy kúnderi óńirde indet juqtyrǵan 49 331 naýqas tir­kelse, 27 035 naýqas – oblys ortalyǵynyń turǵyndary. Epı­­de­mıolog­terdiń baǵalaýy bo­­ıynsha, indet ınfeksııasymen aýyr­ǵan syrqattanýshylyq bo­­ıynsha óńirde jaǵdaı áli tu­raq­syz.

«Syrqattanǵandardyń arasynda 296 naýqas basqa óńirlerden juqtyrǵany anyqtaldy. Jalpy, naýqastar kórsetkishi 100 myń turǵynǵa shaqqanda 6 558,4-ti quraıdy. Pavlodar, Ekibastuz, Aqsý qalalary, Aqtoǵaı, Ýspen, Pavlodar, Maı, Aqqýly, Ertis aýdandary – «qyzyl aımaqta», Sharbaqty, Jelezın, Tereńkól aýdandary – «sary aımaqta», al Baıanaýyl aýdany «jasyl aı­maqqa» ótti», delingen departament málimetinde.

Mysaly, 11 830 naýqas indet juqtyrǵan adamdar arasyn­da baılanysta bolsa, 33 416 naýqas – pnevmonııamen aýyrǵandar jáne ózin ózi úıde emdegender. Sondaı-aq 3 789 naýqas pro­fı­lak­tıkalyq maqsatta emha­naǵa tekserilgen kezde anyqtalǵan. Vırýsty anyqtaý maqsatynda zert­hanalarda táýligine 2 030 zertteý jasalady.

О́ńir shilde aıynan bastap qońyr kúzge deıin «qyzyl aı­maq­ta» tur. Karantın shara­la­ryn qatań saqtaý barysy baqylaýda. Biraq oblys ortalyǵyndaǵy qoǵamdyq kólik­ter toly, avto­býs­­tar jıi júrmeıdi. Oıyn-sa­ýyq, toı-tomalaqtar jal­ǵa­sý­da. Naýqastar sany kúrt kó­be­­ıip ketse, karantın sharalary qaıta kú­sheı­tilýi de ábden múm­­kin. Son­dyqtan oblystyq den­­saý­lyq saqtaý basqarmasy in­dettiń «yzǵary azaıdy» dep er­kindikke boı aldyrmaı, saqtyq sharalaryna mán berýine, indetke qarsy ekpe saldyrýǵa shaqyrady. О́ıtkeni elimizde kúzge deıin ujym­dyq ımmýnıtetti qalyp­tas­­­tyrý jaıy aıtyldy. Indettiń túr­­li shtamyna qarsy turý úshin ekpe alyp, turǵyndar óz den­saý­ly­ǵyn saqtaýy qajet. Ujym­da­ǵy qyzmetkerlerdiń, ón­di­ris oryndaryndaǵy ju­mys­shy­­­­lardyń, jalpy, ha­lyq­tyń sa­­nıtarlyq-epıde­mıologııalyq sa­lamattylyǵyn qam­tamasyz etý úshin ınfek­sııa­lyq aýrýlardyń ım­mýno­pro­fılaktıkalyq is-sha­ra­lary jalǵasýda.

Qazir óńirdegi aýrýhana, emhanalarda 153, saýda úılerinde, kásiporyndarda jáne basqa da ny­sandarda 14 egý bólimshesi or­na­lasqan. Oblys ortalyǵynda eńbek ujymdaryna arnalǵan 67 mobıldi top jumys isteýde.

Al oblystyq sanıtarlyq-epıdemıologııalyq baqylaý de­partamentiniń 21 qazandaǵy epı­demııalyq jaǵdaı týraly derek­te­rine kóz salsaq, óńirde taǵy 202 adamnan indet juqtyrý jaǵdaıy anyqtalǵan, 98 naýqas saýyǵyp shyqqan eken.

 

Pavlodar oblysy

 

Sońǵy jańalyqtar

Reseıde zaýyt órtendi

Oqıǵa • Keshe

Uqsas jańalyqtar