Bilim • 25 Qazan, 2021

Oqý dástúrli formatta jalǵasady

52 ret kórsetildi

Bıyl barlyq bilim berý uıymynda oqytý negizinen dástúrli formatta bas­taldy. Sanıtarlyq talaptar saqtalyp, shtattyq rejimdegi oqytý budan bylaı da jalǵasady. Degenmen arasynda ata-anasynyń ótinishimen aralas formatta bilim alyp júrgen oqýshylar da bar. Bul týraly Ortalyq kommýnıkasııalar qyzmetinde ótken brıfıngte aıtyldy.

Baspasóz jıynynda sóz alǵan Bilim jáne ǵylym mınıstriniń birinshi orynbasary Sholpan Karınova:

«Qazirgi tańda shtattyq rejimde oqýshylardyń 86,4%, aralas formatta 11,6%, ata-analardyń ótinishi negizinde 0,6% bala qashyqtan bilim alýda. Biz buǵan deıin de elimizde oqýshy orny tapshy úsh aýysymdaǵy mektepter bar ekenin aıtqan edik. Osy máseleni sheshý boıynsha úlken jumystar atqarylýda. Memleket basshysynyń tapsyrmasy boıynsha 2025 jylǵa deıin myń mektep salynady. Bıyldyń ózinde josparǵa sáıkes 200 jańa mektep paıdalanýǵa berilýi tıis. Aýysymdardy jeńildetý úshin ár mektepke jeke pánderdi nemese pánder boıynsha jeke saǵattardy qashyqtan ótkizý arqyly aralas oqytýdy uıymdastyrýǵa quqyq berildi. Búginde mektepter osy múmkindikti paıdalanyp otyr. Bul negizinen Nur-Sultan, Almaty, Shymkent qalalary, Almaty jáne Túrkistan oblystarynyń mek­tep­te­rin­de júzege asyrylyp jatyr», dedi.

Mınıstrlik ókiliniń aıtýynsha, jańa oqý jylynan bastap kolledjderge akademııalyq derbestik berilgen. Bul jumys berýshilerdiń qatysýymen jáne eńbek naryǵynyń talaptarymen bilim berý baǵdarlamalaryn ázirleýge múmkindik beredi. Buǵan qosa «Jas maman» jobasy boıynsha 180 kolledjdi zamanaýı jabdyqtarmen jabdyqtaý, tıisti baǵdarlamalar jasaý, jańa baǵdarlamalarmen oqytý boıynsha jumystar bastaldy. Jańa oqý jylynda elimizdiń kolledj stýdentteri úshin teorııalyq, laboratorııalyq, praktıkalyq sabaqtar jáne kásiptik praktıka shtattyq rejimde ótkiziledi. Desek te oqý pánderiniń 20%-yn qashyqtan ótkizýge ruqsat berilgen.

Joǵary oqý oryndarynda da stýdentter aralas formatta oqyp jatyr. Negizgi sabaqtaryn ýnıversıtette oqıtyn bilim alýshylardan PTR nátıjesi suralmaıdy. Ýnı­ver­sı­tet­ter­degi osy jáne ózge de oqý barysy jaıly Bilim jáne ǵylym vıse-mınıstri Qýanysh Erǵalıev:

«Búginde elimizde 122 joǵary oqý orny bar, onda 600 myńǵa jýyq stýdent bilim alyp jatyr. Akademııalyq kúntizbege sáıkes barlyq daıyndyq baǵyt boıynsha stýdentter aralas formatta oqýdy bastady. Atap aıtqanda, dárister onlaın, semınar, zerthanalyq jáne praktıkalyq sabaqtar oflaın rejiminde ótkiziledi. JOO-da maska taǵý rejimi saqtalady, barlyq korpýsta sanıtaızer, de­zınfeksııalyq arka, teplovızor ornatylǵan. JOO, oqý korpýstary, kitaphana jáne jataqhanalar aýmaǵynda Ashyq qosymshasy qolda­ny­lady. Bas sanıtarlyq dárigerdiń qaýlysyna sáıkes oqytýshylar men qyzmetkerler úshin medısınalyq qarsy kórsetilimderi barlardy qos­pa­ǵanda, «jasyl» mártebeniń bolýy mindetteledi. Stýdentterde PTR-tes­tileýdiń bolýyn talap etýge jol beril­meıdi», dep málimdedi.

Sońǵy jańalyqtar

Túrkistan oblysynda eki brakoner ustaldy

Aımaqtar • Búgin, 13:06

Efıopııada pilder qyrylyp jatyr

Álem • Búgin, 11:58

Qazaqstanda un óndirý kólemi tómendedi

Ekonomıka • Búgin, 11:45

Dastın Pore: Makgregor – ótken shaq

Jekpe-jek • Búgin, 11:40

Gazǵa aýysqan kólikter sany artty

Qazaqstan • Búgin, 10:50

Alvares aýyr salmaqta alypqa aınala ma?

Kásipqoı boks • Búgin, 10:35

Elimizde 62 myńnan astam bala vaksına aldy

Koronavırýs • Búgin, 10:00

Dollar qaıtadan qymbattaı bastady

Qarjy • Búgin, 09:55

Qazaqstanda karantındik sharalar kúsheıtiledi

Koronavırýs • Búgin, 09:40

Uqsas jańalyqtar