Oqıǵa • 25 Qazan, 2021

Mańǵystaýlyq sharýalar túıeleriniń qyrylyp jatqanyn aıtty

211 ret kórsetildi

Mańǵystaý oblysyna qarasty Saıyn Shapaǵatov eldi mekeni mańyndaǵy qus fabrıkasynyń dalaǵa tókken qaldyǵy mal baqqan sharýalardyń narazylyǵyn týdyry, dep habarlaıdy Egemen.kz.

Sharýalar «malymyz qus fabrıkasynyń qaldyǵyn jep aram qatty» dep shaǵymdanady. Aıtýlarynsha, fabrıkadan shyqqan qaldyq jaıylym jerine tógilgen. Al onyń syrtynda ne qorshaý joq, ne arnaıy belgi joq deıdi sharýalar. Aımaqtyq mangystaumedia.kz saıtynyń málimetine sensek, qazirdiń ózinde polıgon mańynan 5 túıeniń óleksesi tabylǵan.

- Qus fabrıkasynyń kesirinen halyqtyń maly osylaı qyryla bere me? Myna jaıylymda júretin túıeniń esebi joq. Bulaı jalǵasa berse bári de óledi, - deıdi túpqaraǵandyq sharýanyń biri Almagúl Esbergenova.

Olar óńirde onsyz da mal jeıtin shóp joq, endi malymyz fabrıkadan shyqqan qaldyqty jep qyryla ma dep alańdaıdy. Máselen, Aıgúl Ramanova shamamen 15 mıllıon teńgege 10-nan astam túıeni nesıege alǵan. Aıtýynsha, jaıylymda júrgen eki birdeı túıesi qus fabrıkasynyń tókken qaldyǵyn jep aram ólgen. Sonyń kesirinen Aıgúl 2 mıllıon teńgege jýyq shyǵyn keldi dep otyr.

- Jaıylymǵa qaldyq tógýin qoıyp, ózderine polıgonǵa arnalǵan jerine tóksin. Mal jaıylymyndaǵy ózi azǵantaı shuraıly jer edi. Barlyq sharýanyń maly osy jerde jaıylyp júredi. Bizdiń jaıylymdy jaıyna qaldyrsa degen usynysymyz bar, - deıdi sharýa Aıgúl Ramanova.

О́zge de sharýalar osy máselelerdiń sheshilýin qalaıdy.

- 29 qyrkúıek kúni dalaǵa tógilgen qaldyqtyń mańynda eki túıem ólip qaldy. Túıeler kúnde baryp sol qaldyqty jep júr. Túıe qaıdan ne jerin bilmeı, jemniń ısine baryp qaıta-qaıta sol qaldyqty jeıdi. Qazir fabrıka mańynda tógilgen qaldyqtyń jan-jaǵyn qorshap qoıǵan. Biraq ol da malǵa kedergi bolmasy anyq, - dedi sharýa Nurken Aral.

Bıyl shildede ashylǵan qus fabrıkasy Aqtaýdan 33 shaqyrymda ornalasqan. Fabrıkadan shyqqan qaldyqty kásiporyn aýmaǵy men 15 shaqyrymdaǵy mal jaıylatyn jerge tókken. Sharýalardyń shýynan soń zaýyt aýmaǵyndaǵy qaldyq shashylǵan jerdi qorshap qoıǵan. Al jaıylymda ashyqtan ashyq jatqan qaldyq áli qorshalmaǵan, qaldyq polıgony ekenin kórsetetin arnaıy belgi de joq. Dese de úıindiniń betin topyraqpen jaýyp qoıǵan. Al, kásiporyn basshylyǵy qaldyqtar zańdy turǵyda belgilengen jerge tógildi degen ýáj aıtady.

ld

- Kásiporyn aýmaǵyna qaldyqty ádeıi tóktik. О́ıtkeni, biz ol jerge jemis beretin aǵash ekken kezde esh nátıje shyqpady. Mamandar jerdiń qunary az degen soń osyndaı shara qoldandyq. Polıgon jeri rásimdelip jatyr. Jer qujatyn alǵan soń jobamyzdy bastaımyz, - dedi «Aqtaý Agro» JShS dırektory Danııar Turǵynov.

Qaldyq tógilgen jer Munaıly aýdanynyń aýmaǵyna kiredi. Aýdan ákimi Rahat Eltızarov telefon arqyly 50 gektar jer polıgon úshin zańdy túrde berilgenin habarlady. Ákimdik qus fabrıkasynyń basshylyǵyna qaldyq polıgonyn qorshaýy tıis ekenin eskertken.

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar