Oqıǵa Munaıly aýdanynyń Basqudyq aýylynda túngi mezgilde bolǵan. Mas júrgizýshi kólik rýline ıe bola almaı, kóshe burylysyndaǵy qubyrdy soqqan. Sol jerde órt tutanyp, «Ýaz Patrıot» kóligi túgel janyp ketti. Zardap shekkender joq. Qazirgi tańda búlingen qubyrdy qalpyna keltirý jumystary júrgizilip jatyr. Polısııa departamentiniń habarlaýynsha, júrgizýshige ákimshilik hattama toltyrylǵan. Ol 7 jylǵa kólikti basqarý quqyǵynan aıyrylýy múmkin.
«Júrgizýshige QR Ákimshilik quqyqbuzýshylyq kodeksiniń 608-baby, 3-bóligi boıynsha ákimshilik hattama toltyryldy. Jol-kólik oqıǵasynyń aldyn alý jáne boldyrmaý sharalaryn kúsheıtý maqsatynda Mańǵystaý oblysynyń polısııa qyzmetkerleri oblys turǵyndaryn joldardaǵy erekshe jaýapkershilik týraly eskertedi», deıdi MO Polısııa departamenti bólim basshysynyń m. a. Áıgerim Ibatýllaeva.
