Aımaqtar • 26 Qazan, 2021

27 myńnan astam jańa jumys orny ashylady

35 ret kórsetildi

Jambyl oblysynyń ákimdiginde oblystyq máslıhattyń kezekten tys H sessııasy ótip, oblys ákimi Berdibek Saparbaev toǵyz aıdyń qorytyndysy boıynsha depýtattar aldynda esep berdi. Jıyndy oblystyq máslıhattyń hatshysy Mahmetǵalı Sarybekov júrgizdi.

B.Saparbaev ekonomıkanyń barlyq sa­lasynda oń dınamıka saqtalyp otyr­ǵanyn, esepti kezeńde óńirdegi eko­­nomıkalyq ósim 4,6 paıyzdy qu­ra­­ǵanyn atap ótti. Atap aıtsaq, jyl basynan beri 480,6 myń sharshy metr turǵyn úı paıdalanýǵa berilip, 11 paıyzǵa ósse, 267 mlrd teńge ınvestısııa tartylyp, 11 paıyzǵa ulǵaıǵan.

 «2025 jylǵa deıin 2,5 trln teńgeni quraıtyn 107 ınvestısııalyq joba iske asyrylady. Bıyl 171 mlrd teńgege 31 joba josparlanyp, jalpy 78,2 mlrd teńgeniń 13 jobasy iske asty. «Qarapaıym zattar ekonomıkasy» aıasynda 175 joba 560 mln teńgege nesıelendirildi. Jergilikti qamtý úlesi ónerkásiptiń 8 baǵyty boıynsha 51,1 paıyzdy, qurylys-montaj jumystary boıynsha 86,4 paıyzdy qurady», dedi B.Saparbaev.

Sonymen qatar oblys ákimi farmasevtıka salasyndaǵy ónim kólemi 2,8 esege óskenin, Bıolo­gı­ıalyq qaýipsizdik problemalary ǵylymı-zertteý ıns­­tıtýty ja­nyn­daǵy vaksınalar shy­ǵaratyn bıo­farmasevtıkalyq zaýyt­tyń qury­ly­sy aıaqtalǵanyn, 1 mln 750 myń doza vaksına «SK-Farmasııa» habyna jiberilip, elimizdiń barlyq óńirine jetkizilgenin aıtyp ótti. Odan bólek, Qyrǵyzstan memleketine de 25 myń doza gýmanıtarlyq kómek jiberilgen.

Sondaı-aq B.Saparbaev kásip­ker­lerge shaǵyn nesıe berý úshin jalpy 8,1 mlrd teńge qaralyp, onyń 7,9 ­mlrd teńgesi ıgerilgenin de aıtty. «Aýyl sharýashylyǵy salasyn damytýǵa 19,4 mlrd teńge sýbsıdııa qaralyp, 13,7 mlrd teńgesi ıgerildi. 2025 jylǵa deıin 350,4 mlrd teńgege 50 ınvestısııalyq jobany iske asyrý josparlanyp otyr. Egistik kólemi 752 myń gektarǵa jetip, ótken jylmen salystyrǵanda 30,3 myń gektarǵa artty. Sońǵy úsh jylda 59,1 myń gektar sýarmaly jer qalpyna keltirilip, sý únemdeý tehnologııasy 40 myń gektarǵa engizildi. Mal azyǵyn daıyndaý jumystary da qyzý júrip jatyr. Jospardaǵy 1,7 mln tonna mal azyǵy tolyqtaı daıyndaldy», dedi oblys ákimi.

 Jıynda Jambyl óńirindegi atqarylyp jatqan ózge de sharýalar týraly aıtyldy. Máselen, búginde aımaqtaǵy «Tasótkel» sý qoımasy qalpyna keltirilýde. Sol sııaqty, qosymsha taǵy da 7 sý qoımasy qalpyna keltiriledi. Esepti kezeńde 363 tonna balyq aýlansa, onyń ishinde 200 tonna forel balyǵy bar. Sondaı-aq 332,8 tonna bal óndirilgen. Memleket basshysynyń tapsyrmasyna sáıkes, oblys ákimi «Alqaptan sórege deıin» jobasynyń aıasynda oblys ortalyǵy men on aýdanda barlyǵy 32 áleýmettik pavılon ashylǵanyn da jetkizdi.

«Oblysta 4 482 páterli 76 turǵyn úı qurylysy júrgizilýde. Jyl so­ńyna deıin 2 902 páterli 50 úı tap­sy­rylady. Memlekettik baǵdar­la­malar aıasynda 3,6 shaqyrym jol salynyp, 440,7 shaqyrym jolǵa orta jóndeý jumystary júrgizilip jatyr. Nátıjesinde, qanaǵat­ta­nar­lyq jaǵdaıdaǵy jergilikti avto­jol­dardyń úlesi 95 paıyzǵa jetedi. 12 aýyldyq eldi mekenge sý qubyry júrgizilip, qamtylý deńgeıi 88,7 paıyzǵa deıin artady. 20 eldi meken tabıǵı gazben qamtylyp, 83,8 pa­ıyzǵa jetedi. Barlyq memlekettik baǵdarlamalar men jeke bas­tamalar aıasynda 27,1 myń jańa jumys orny ashyldy», dedi B.Saparbaev. Onyń 14,8 myńy turaqty jumys orny bolsa, bıylǵy 8 aıda oblystaǵy ortasha jalaqy 25,8 paıyzǵa, ıaǵnı 203,8 myń teńgege artqan. Jyl basynan beri jańa 5 memlekettik mektep paıdalanýǵa berilse, jyl so­ńyna deıin taǵy 3 bilim oshaǵynyń qu­ry­lysy aıaqtalady. Odan bólek, jeke ınvestısııa esebinen 12 jeke mektep salynyp, 3-6 jas aralyǵyndaǵy balalar tolyǵymen mektepke deıingi uıymdarmen qamtylǵan. О́ńirdegi 43 700 pedagogtiń jalaqysy 25 paıyzǵa ósken. Osy oraıda, oblys ákimi Taraz qalasynda alǵash ret «Oqýshylar saraıynyń» qurylysy júrgizilip jatqanyn da aıtty.

«Balalardyń qaýipsizdigin qam­tamasyz etý maqsatynda barlyq 443 mektep beınebaqylaý kameralarymen tolyq qamtamasyz etildi. 370 mektepke dabyl túımesi, 85 mektepke týrnıket ornatylady. Taraz qalasyndaǵy 60 mektep jedel basqarý ortalyǵyna qosyldy. О́ńirdi dári­ger­lermen qamtamasyz etý úshin S.Asfendııarov atyndaǵy Qazaq Ult­tyq medı­sı­nalyq ýnıversıtetiniń fı­lıa­ly ashyldy. Primary Health Care Ulttyq qaýymdastyǵymen jasalǵan yntymaqtastyq týraly me­morandým aıasynda tórt úzdik tájirıbe ortalyǵy quryldy. 10 dene shynyqtyrý- saýyqtyrý kesheniniń qurylysy jos­parlanyp, búginde ekeýi paıdalanýǵa berildi. Jyl so­ńy­na deıin taǵy tórteýi ashylady. Demeýshiler esebinen 1,5 mlrd teńgege Taraz qalasynda gımnas­tı­ka jáne ústel tennısi sport kesheni, 1,1 mlrd teńgege «Anaǵa taǵzym» orta­lyǵy salyndy», dedi oblys ákimi.

 Jambyl oblysynda bıýdjetten tys qarjyǵa jobalardy júzege asyrý ıgi úrdiske aınalǵan. «Jomart túlek» jobasy sheńberinde tabysty túlekterdiń demeýshiligimen 2,8 mlrd teńgege 73 eldi mekende jobalar júzege asýda. «Asarlatyp úı salý» jobasy aıasynda byltyr 103 muqtaj otbasy aýyldastarynyń kómegimen baspanaly bolsa, bıyl taǵy 138 úıdiń qurylysy bastalyp, búginde 38 úı paıdalanýǵa berilgen. Al «Tarazǵa tartý» jobasy aıasynda oblys ortalyǵyndaǵy 42 nysanda abattandyrý jumystary qolǵa alynyp, qazirgi tańda onyń 37-si aıaqtalǵan. Sonymen qatar búginde ARAI emhanasy jumysyn bastady. Jalpy aıtqanda, demeýshiler tarapynan 12,7 mlrd teńgege 10 áleýmettik nysan boı kótergen. Kezdesýde B.Saparbaev jýyrda Taraz qalasynda ótken «Qazirgi kezeńdegi etnosaralyq kelisim: tájirı­be men aldaǵy mindetter» atty ha­lyq­aralyq konferensııasynyń jo­ǵa­ry deń­geı­de uıymdastyrylǵanyn atap ótti. Reseı, Ýkraına, Izraıl, Bolgarııa elderinen kelgen belgili sarapshylar Taraz qalasyn órkenıet oshaǵy retinde baǵalap, onyń tarıhı taǵylymyna aıryqsha nazar aýdar­ǵa­ny, qatysýshylardyń Memleket bas­shy­synyń tapsyrmasymen oblysta júzege asyp jatqan «Beıbitshilik pen kelisim» jobasyn tájirıbe retinde taratýdy usynǵany aıtyldy. Jıyn sońynda Erqanat Manjýov, Erbolat Saýryqov, Sáýle Rysbaeva sııaqty birqatar más­lıhat depýtattary oblys ákimine suraqtar qoıyp, tıisti jaýap aldy. Jalpy, máslıhat depýtattary oblys ákiminiń esebin biraýyzdan maquldap, oń baǵa berdi.

 

Jambyl oblysy

Sońǵy jańalyqtar

Sıngapýrdyń sońǵy aýyly

Álem • Búgin, 17:55

Ahmet Baıtursynulyna eskertkish ornatylady

Rýhanııat • Búgin, 17:20

Petr Iаn úzdikter qataryna endi

Jekpe-jek • Búgin, 16:05

Uqsas jańalyqtar