Bul jarysqa Qazaqstan quramasy da qatysady. Iýrıı Shýkın bastaǵan qazaqstandyq komandanyń jattyqtyrýshylar shtaby sheshýshi kezeńge qatysý úshin kelesi oıynshylardy tańdady: Aleksandr Býblık (ATP reıtınginiń 34-shi nómiri), Mıhaıl Kýkýshkın (159), Dmıtrıı Popko (162), Andreı Golýbev (ATP juptyq reıtınginiń 35-shi nómiri), Aleksandr Nedovesov (juptyq reıtıngtiń 76-shy nómiri), dep habarlady QTF baspasóz qyzmeti.
Qazaqstan quramasy V tobynda Kanada jáne Shvesııa quramalarymen oınaıdy.
Qazaqstandyqtardyń qarsylastary da aqtyq kezeńde kim kúresetinin jarııalady. Shvedterdiń quramy kelesideı: Mıkael Imer (101), Elıas Imer (168), Andre Ioransson (66 jup reıtıng nómiri), Djonatan Mrıda (511).
Kanada quramasy Ispanııaǵa kelesi quramda keledi: Felıks Oje-Alıassım (12), Denıs Shapovalov (13), Vashek Pospıshıl (85) Breıden Shnýr (226), Pıter Polanskı (284).
Qazaqstan men Shvesııa quramalarynyń matchy 27 qarashada ótedi, al 28 qarashada Qazaqstandyq jasaq 2019 jyly Devıs Kýbogynyń fınalyna deıin jetken Kanadamen oınaıdy.
Devıs Kýbogynyń fınaldyq oıyndary alǵash ret bir ýaqytta úsh qalada – Insbrýk, Madrıd jáne Týrınde sarapqa salynady. Týrnırge alty topqa bólingen 18 komanda qatysady. A tobynda – Ispanııa, Reseı jáne Ekvador quramalary, S tobynda – Fransııa, Ulybrıtanııa jáne Chehııa, D tobynda – Horvatııa, Avstralııa jáne Vengrııa, E tobynda - AQSh, Italııa jáne Kolýmbııa, F tobynda - Serbııa, Germanııa jáne Avstrııa. Týrnırdegi ár match eki jeke oıynnan jáne bir juptan turady.
Toptyń alty jeńimpazy jáne ekinshi oryn alǵandar arasyndaǵy eki úzdik komanda týrnırdiń shırek fınalyna shyǵady. Jartylaı fınalıster Devıs-2022 Kýbogynyń fınaldyq bóligine qatysýǵa kepildik beredi.
Devıs Kýbogy 1900 jyldan beri jyl saıyn ótkizilip keledi. Týrnırdegi jeńister sany boıynsha AQSh quramasy rekordshy bolyp tabylady. Al qazirgi jeńimpazdar - ıspandyqtar.
