«Bıyl 1,2 mln adamdy jumyspen qamtamasyz etý josparlanǵan, onyń ishinde «Eńbek» memlekettik baǵdarlamasy aıasynda 700 myń adam, jumyspen qamtýdyń jol kartasy aıasynda 2 myń adam, memlekettik baǵdarlamalar aıasynda taǵy 440 myń jańa jumys ornyn qurý qarastyrylǵan. Qazirgi ýaqytta úsh baǵyt boıynsha qoldaý sharalarymen 1 mln-ǵa jýyq adam qamtyldy», dedi Serik Shapkenov Úkimet otyrysynda.
Buǵan deıin mınıstr eldegi jumyssyzdyq deńgeıiniń tómendegenin málimdedi.
«Pandemııa bastalǵannan beri jumyspen qamtylǵandar sany 12,2%-dan 7,4%-ǵa deıin azaıdy. Eń bastysy, jumyssyzdyq deńgeıi 4,9% kóleminde saqtaldy, al jastar arasyndaǵy jumyssyzdyq deńgeıi ótken jylmen salystyrǵanda tómendep, 3,7%-dy qurady», dep habarlady Eńbek mınıstrliginiń basshysy.
