«Eńbek» memlekettik baǵdarlamasy boıynsha bıylǵy jyldyń 9 aıynda 377 myń adam jumyspen qamtylsa, onyń 70%-y turaqty jumysqa ornalasty. Sondaı-aq 65 myń adam oqýdan ótti. Jumyspen qamtýdyń jol kartasy aıasynda 29 myń adam mıkrokredıtter men qaıtarymsyz granttarǵa ıe boldy. Onyń 25 myńnan astamy alǵash ret óz kásipterin ashty. Sonymen qatar qosymsha 8 myńǵa jýyq jańa jumys oryndaryn qurdy», dep túsindirdi mınıstr.
Mınıstr málimetinshe, 5 500 adam soltústik óńirlerge qonys aýdardy. Jumysqa qabiletti jastaǵy qonys aýdarǵandardyń 78%-y jumyspen qamtyldy. Baǵdarlamaǵa qatysýshylardyń 39%-y jastar. 50%-y áıel azamattar jáne osy baǵdarlamaǵa qatysýshylardyń negizgi úlesin (53%) aýyl turǵyndary qurap otyr.
«Búginde Eńbek baǵdarlamasy 83%-ǵa oryndalyp otyr. Aqmola, Qostanaı, Pavlodar, Jambyl oblystarynda jáne Nur-Sultan qalasynda barlyq kórsetkish tolyǵymen oryndaldy. Qalǵan óńirdegi ákimdikter osy baǵyttaǵy jumystaryn kúsheıtýi kerek», dedi Serik Shápkenov Úkimet otyrysynda.
