«Mundaı sheshimdi qabyldaý ońaı soqqan joq. Komandamen jumys isteýge múmkindik bergen azamattarǵa alǵysymdy aıtamyn. Klýbtyń jankúıerlerine rızamyn. Olar qaı kezde de bizdi qoldap keledi. Eń bastysy, fýtbolshylarǵa qurmetim bólek. Barlyq kezdesken qıyndyqtarǵa qaramastan, olar kásibı mindetine uqypty qarady. Barlyqtaryńyzǵa sáttilik», dedi komandanyń eks bapkeri qoshtasý sózinde.
Vardan Mınasıan «Taraz» fýtbol klýbyn osy jyldyń aqpan aıynan bastap jattyqtyrdy. Qazaqstan premer-lıgasy bastalmas buryn klýb basshylyǵy «Taraz» úzdik altylyqtan kórinýge tyrysatynyn aıtqan bolatyn. Alaıda komanda premer-lıganyń kezekti maýsymy aıaqtalýǵa bir týr qalǵanda týrnır kestesinde onynshy orynda tur.
