Qazaqstan • 26 Qazan, 2021

Qazaqstanda jańa salyqtar engiziledi

372 ret kórsetildi

Bul saýalǵa OKQ brıfınginde QR Qarjy mınıstrligi Memlekettik kirister komıtetiniń iri salyq tóleýshiler departamentiniń dırektory Ánýar Súleımenov aıtty, dep habarlaıdy Egemen.kz.

«Kelesi jyldan bastap salyq zańnamasyna engiziletin negizgi ózgeristerdiń biri – sheteldik jáne otandyq kompanııalar arasyndaǵy básekelestik jaǵdaılardy teńestirýge múmkindik beretin Google salyǵy dep atalatyn sandyq salyq. Ol 2022 jyldyń qańtarynan bastap engiziledi jáne taýarlar men qyzmetterdi elektrondyq servıster, ınternet-saıttar arqyly ótkizý kezinde sheteldik kompanııalar tóleıtin bolady», dedi Súleımenov.

Onyń aıtýynsha, bul jańa salyq emes, ol qosylǵan qun salyǵy aıasynda engiziledi. Salyq 12% boıynsha tólem jasalady.

«Sondaı-aq eksporttaýshylardy valıýtalyq túsimdi ishki naryqta ótkizýge yntalandyrý maqsatynda 80% mólsherinde qaıtarýdyń ońaılatylǵan tártibi sııaqty jeńildikti engizý boljanyp otyr. Ol eksporttan túsken 50% - dan kem emes valıýtalyq túsimdi satatyn eksporttaýshylar úshin taratylady jáne usynylady.

QQS tóleýshilerdiń qyzmetin toqtatýdyń ońaılatylǵan tártibi de engiziledi. Bul QQS boıynsha esepte turǵan salyq tóleýshilerdiń sanaty, biraq eshqandaı operasııalar, ózara esep aıyrysýlar júrgizbedi, qyzmetpen aınalyspady», dep naqtylady ol.

Sonymen qatar 2022 jylǵy qańtardan bastap salyq beresheginiń shekti shegi 6 AEK mólsherinde aıqyndalatyn bolady, odan tómen shottarǵa tyıym salý qoldanylmaıdy.

«Sondaı-aq kelesi jyldan bastap sandyq taý-ken úshin tólem engiziledi. Onyń tóleýshileri sandyq taý-ken tulǵalary bolady. Stavka 1 kılovattqa 1 teńgeni quraıdy», dep qosty MKK departamentiniń dırektory.

Sońǵy jańalyqtar

Prezıdent qolónershiler kórmesin aralady

Prezıdent • Búgin, 21:01

Uqsas jańalyqtar