Oblysta «Ýchaske» jedel profılaktıkalyq is-sharasy ótkizilýde. Atalǵan shara aıasynda Qazaly aýdandyq polısııa bóliminiń qyzmetkerleri Áıteke bı kentinde janarmaı quıý beketi tusynda qarý ustap kele jatqan 22 jastaǵy turǵyndy toqtatty.
«Tekserý barysynda turǵynnan ishki ister organdarynda tirkeýde joq 16 kalıbrli qosaýyz ańshy myltyǵy anyqtaldy. Anyqtalǵan derek boıynsha QR Ákimshilik quqyq buzýshylyq kodeksiniń 482-babynyń 1-bóligimen ákimshilik hattama rásimdelip, sotqa joldandy. Onda ishki ister organdarynda tirkelmegen tegis uńǵyly, gazdy qarý men olardyń patrondaryn saqtaý, alyp júrý, tasymaldaý jaǵdaıy kórsetilgen», dep málim etti Qyzylorda oblystyq polısııa departametinen.
