Sport • 27 Qazan, 2021

Japonııada synǵa túsedi

120 ret kórsetildi

Búgin Japonııanyń Fýkýoka prefektýrasyna qarasty Kıtakıýsıý qalasynda kórkem gımnastıkadan álem chempıonaty bastalady. Bes kúnge sozylatyn básekeler barysynda ádettegideı toǵyz júlde jıyntyǵy sarapqa salynady. Baq synaýshylar qatarynda ár jyldary Olımpııa oıyndary men álem chempıonattarynda júlde alǵan ataqty sportshylar da bar.

Álem chempıonattarynda kóbine-kóp Reseı gımnasshylarynyń mol oljaǵa kenelip júrgenin jankúıerler jaqsy biledi. Alysqa barmaı-aq, sońǵy eki jarystyń nátıjesine toqtalsaq ta biraz nársege qanyq bolamyz. Máselen, 2008 jyly Bolgarııanyń astanasy – Sofııada ótken dodada aıtýly memlekettiń ókilderi 7 altyn, 2 kúmis jáne 3 qola medaldy oljalap, jalpykomandalyq esepte top jardy. О́zgelerdi aıtpaǵanda jalǵyz ǵana Dına Averınanyń ózi bes márte jeńis tuǵyrynyń eń bıik satysyna kóterilip, óreli ónerimen tórtkúl dúnıe jankúıerlerin tamsandyrdy. Sondaı-aq Bolgarııa men Italııa quramalary bas júldeni bir-bir retten ıemdendi.

2009 jyly Ázerbaıjannyń bas shahary – Bakýde uıymdastyrylǵan jarysta reseılikter segiz márte teńdessiz dep tanyldy. Dál sol Averına bul joly da bes ret altynnan alqa taqty. Odan bólek, olardyń qorjynynda 2 altyn men 3 qola bar. Taǵy bir bas júlde Japonııanyń enshisinde. Jalpy, Reseı quramasynyń osyndaı orasan zor tabysqa qol jetkizýine joǵaryda esimi atalǵan áıgili sportshydan bólek, onyń syńary – Arına Averına, Aleksandra Soldatova, Evgenııa Levanova, Ksenııa Polıakova, Ekaterına Selezneva, Anas­tasııa Maksımova, Marııa Tolkachova, Anastasııa Shımshakova jáne taǵy basqa gımnasshylardyń qosqan úlesi zor.

Olımpııa oıyndarynda kórkem gımnasshylardyń saıysynda nebári eki júlde jıyntyǵy sarapqa salynady. Tokıodaǵy jarystyń basty favorıti sanalǵan Dına Averına bul básekede ekinshi orynda qalyp qoıdy. Al bas júlde 22 jastaǵy Izraıldiń ókili Lınoı Ashramǵa buıyrdy. Qola medal belorýssııalyq Alına Gornoskonyń moınynda jarqyrady. Komandalyq kópsaıysta Bolgarııanyń baǵy jandy. Reseı taǵy da ekinshi oryndy qanaǵat tutsa, Italııa úshinshi satyǵa taban tiredi.

Qazaqstannyń HHI ǵasyrdaǵy eń zor tabystary Álııa Iýsýpovanyń esimimen tyǵyz baılanysty. Olımpııa oıyndarynda ol eki ret jeńis tuǵyryna synyq-súıem jete almady: 2004 jyly Afınada – tórtinshi jáne 2008 jyly Beıjińde besinshi oryndy ıelendi. Birneshe ret álemdik dodada úzdik ondyqtyń qatarynan kórindi. О́kinishke qaraı, qazirgi kezde Qazaqstanda Álııanyń deń­geıindegi gımnasshy joq. Olaı deýge negiz, baıraqty básekelerde bir­de-bir jerlesimiz jeńis tuǵyryna mańaı­laı alǵan da joq. Máselen, 2018 jylǵy álem chempıonatynda Alına Ádil­hanova kópsaıystyń qorytyndysy boıynsha 19-oryndy qanaǵat tutty. 2019 jylǵy kórsetkishimiz odan da tómen. Bıyl Tokıoda da eshteńe óndire alma­dyq. Osylaısha, ýaqyt ozǵan saıyn nátıjemiz tómendep keledi.

Japonııadaǵy álemdik dodada El­jana Tanıeva men Dilnaz Baılenova jekelegen básekelerde baq synasa, Aıdana men Daıana Shaıahmetovalar, Mılana Býdnık, Alına Chernysheva, Aısulý Myrzaǵalıeva jáne Saǵına Murat­qyzy komandalyq saıysta synǵa túsedi. Chempıonat 31 qazanda óz máresine jetedi.

Sońǵy jańalyqtar

Hattonnyń uly Attılany atynan túsirdi

Kásipqoı boks • Búgin, 10:35

Jekpe-jeksiz ótken alǵashqy jyl

Kásipqoı boks • Búgin, 09:08

«Dınamodan» jeńildi

Hokkeı • Búgin, 07:34

Kreatıvti kitap dúkeni

Aımaqtar • Búgin, 07:33

Janbota jarap tur

Sport • Búgin, 07:27

Aqyn tutynǵan kese

Tarıh • Búgin, 07:24

Jekpe-jek keıinge shegerildi

Boks • Búgin, 07:22

Bes belestiń bıigin baǵyndyrǵan...

Qoǵam • Búgin, 00:44

Uly Jambyl murasy ulyqtaldy

Rýhanııat • Búgin, 00:33

Uqsas jańalyqtar