Tilendıev kóshesi men Soltústik jarty aınalma joldy soltústik baǵytta ÚAAJ-ǵa deıin uzartady. Vedomstvonyń málimetinshe, qazir Almatyny damytýdyń Bas josparyna túzetý engizilip jatyr.
«Sondyqtan atalǵan joldardy tesý boıynsha jobalyq-smetalyq qujattamany ázirleý merzimi 2022 jylǵa josparlanyp otyr. Tilendıev kóshesin toǵyz shaqyrymǵa, al soltústik jarty sheńberdi 1,2 shaqyrymǵa uzartý josparda bar. Sondaı-aq, kólik jolaıryǵyn salý usynylady», dep habarlady vedomostvo ókilderi.
Sondaı-aq, sheneýnikter ÚAAJ-ǵa alty radıaldy joldy jóndep salǵysy keletinderin aıtty. Bul Almatydan jáne Almaty oblysynan Úlken Almaty aınalma avtomobıl jolyna deıin shyǵatyn jol bolady.
«2013 jyly Rysqulov dańǵylyndaǵy Saın kóshesinen Ońǵarsynova kóshesine deıingi jumystar aıaqtaldy. Sondaı-aq, sol jyly biz Saın kóshesiniń qurylysyn Móńke bı kóshesinen qala shekarasyna deıin aıaqtadyq. Sonymen qatar, Aqyn Sara kóshesiniń Abaı kóshesinen qala shekarasyna deıingi jolynyń qurylysy aıaqtaldy.
Qazirgi ýaqytta Abaı dańǵyly Momyshuly kóshesinen qala shekarasyna deıin sozylyp jatyr. Sonymen qatar Saın kóshesi Rysqulov dańǵylynan Móńke bı kóshesine deıin sozylyp jatyr. Sonymen qatar, Rysqulov dańǵylynyń Ońǵarsynova kóshesinen qala shekarasyna deıingi aralyǵy jobalaný ústinde», dep tolyqtyrdy basqarmada.
Buǵan deıin Almatyda Jubanov kóshesin qala shekarasyna deıin tesýge kiriskeni habarlanǵan bolatyn. Jergilikti bılik ázirge jobalaý-smetalyq qujattamany ázirleý ústinde. Tek osy jumystar úshin memlekettik bıýdjetten 144 mıllıon teńge bólindi.
