Zań jobasyn jáne ilespe túzetýlerdi talqylaý kezinde depýtat Irına Ýnjakova Qazaqstandaǵy adam quqyqtary jónindegi ýákil apparatyn keńeıtýdi qarjylandyrý týraly suraq qoıdy. Buǵan deıin belgili bolǵandaı, ár oblysta úsh qyzmetkerden jáne Nur-Sultan, Almaty jáne Shymkent qalalarynda tórt qyzmetkerden 17 óńirlik ókildikti qurý qajet. О́ńirlik deńgeıdegi jalpy sany - 54 birlik. Sondaı-aq adam quqyqtary jónindegi ulttyq ortalyqtyń shtaty 51 birlikke deıin ulǵaıady.
«Zań jobasymen AIJK-ni ýákildiń sotqa talap-aryz berý quqyǵy týraly jańa bappen tolyqtyrý usynylady. Osyǵan baılanysty bizde birneshe praktıkalyq suraqtar bar. Birinshiden, adam quqyqtary jónindegi ulttyq ortalyqqa qosymsha shtat pen qarjy qajet pe? Ekinshiden, siz bul jumysqa zańgerler men zań keńesshilerin tartýdy josparlap otyrsyz ba? Úshinshiden, shaǵymdardy qaraýdyń jalpylanǵan nátıjeleriniń ishinen Qazaqstandaǵy adam quqyqtary jónindegi ýákildiń atynan sotqa talap-aryzdardy berý qandaı prınsıpter boıynsha qalyptasady?», dep surady ol Qazaqstandaǵy adam quqyqtary jónindegi ýákili Elvıra Ázimovadan.
Buǵan jaýap retinde Ázimova shtatty ulǵaıtýǵa naqty qarajat bólingenin aıtty.
«Shynynda da, negizgi zań jobasy jáne ózgerister engizýdi kózdeıtin úsh ilespe zań jobasy qymbatqa túsedi. Sonymen qatar negizgi zań jobasynda, ózderińiz biletindeı, barlyq óńirlerde 17 ókildik qarastyrylǵan. Árıne, bunyń barlyǵy shyǵyndardy talap etedi. Sondyqtan Úkimet pen Respýblıkalyq bıýdjet komıssııasy 2 mlrd 398 mln teńge kólemindegi qosymsha shyǵyndardy qoldady», dep túsindirdi ol.
Zańgerler men konsýltanttardy tartýǵa qatysty saýalǵa ol adam quqyqtary jónindegi ýákildiń jumysyn Adam quqyqtary jónindegi Ulttyq Ortalyq qamtamasyz etetinin aıtyp ótti. Ol úshin ókildikter men ókilder bar.
«Eń aldymen, ortalyqpen birge jumystyń ózin tikeleı qamtamasyz etý - bizdiń mindetimiz. Shtatta zańgerler de bolady, biraq kásibı qorǵaýshylar men bizdiń arasynda aıyrmashylyq bar ekenin aıtqym keledi, sondyqtan qandaı da bir máseleler boıynsha biz olarǵa, sonyń ishinde Saraptamalyq keńes konteksinde júginetin bolamyz. Mundaı konsýltatıvtik-keńesshi organdar bar. Saraptamalyq keńestiń quramyna zańger ǵalymdar, advokattar men zań keńesshileri, azamattyq qoǵam ókilderi kiredi. Osy turǵyda biz olardan qoldaý kútemiz. Búginde bizde BUUDB formatynda osyndaı qoldaý bar», dep naqtylady Ázimova.
Úshinshi másele boıynsha - talap-aryzdardy qalyptastyrýǵa qatysty ýákil birinshi kezekte Konstıtýsııalyq Keńestiń 2021 jylǵy maýsymda Parlament qabyrǵasynda oǵan sottar arqyly Konstıtýsııalyq Keńeske júginý quqyǵyn berý arqyly Ýákil ınstıtýtyn nyǵaıtý qajettigi týraly aıtylǵan joldaýynan týyndaıtynyn atap ótti.
«Iаǵnı, osylaısha talap-aryzdardy qalyptastyrý azamattardyń Konstıtýsııamen kepildik berilgen negizgi quqyqtary men bostandyqtaryna baılanysty qabyldanǵan jáne qoldanystaǵy normatıvtik-quqyqtyq aktilerdiń konstıtýsııalyq erejelerge sáıkes kelmeýi týraly sóz bolǵan jaǵdaılarmen baılanysty bolady», dep túıindedi ol.
