Serikqalı Brekeshev ekonomıkany dekarbonızasııalaý jónindegi sharalardy iske asyrý otyn-energetıkalyq keshende qaıta qurýǵa ákeletinin atap ótti.
Máselen, eger 2017 jyly otyn-energetıkalyq sebet 54% - kómirden, 24% - munaıdan jáne 22% - gazdan tursa, onda ekologtardyń boljamdary boıynsha 2060 jylǵa qaraı kómirtekti beıtaraptyqqa qol jetkizý doktrınasyn iske asyrý sheńberinde bastapqy otyn-energetıkalyq resýrstar qurylymyndaǵy qazba energııa resýrstarynyń úlesi 3,4 ese qysqaryp, 29%-dy quraıdy, al JEK úlesi aǵymdaǵy 3 paıyzdan 70%-ǵa deıin ósedi.
«Esepteýler kórsetkendeı, kómirtekti beıtaraptyqqa qol jetkizý úshin 40 jyl ishinde tómen kómirtekti tehnologııalarǵa shamamen 650 mlrd dollar ınvestısııalaý qajet. 40 jyl ishinde ınvestısııanyń eń kóp kólemin talap etetin sektorlar – bul elektr jáne jylý energııasyn óndirý 305 mlrd dollar, kólik 167 mlrd dollar, taý-ken jáne óńdeý ónerkásibi 65 mlrd dollar, TKSh 57 mlrd dollar, aýyl sharýashylyǵy 49 mlrd dollar», dep túsindirdi mınıstr.
Brekeshev qarjylandyrý kózderi týraly máselege túsinikteme berdi.
«Dekarbonızasııa úshin qajetti ınvestısııalarǵa keletin bolsaq, munda barlyq nusqalar qarastyrylǵan. Osydan bir aı buryn AQSh prezıdentiniń klımattyń ózgerýi jónindegi elshisi Djon Kerrıdiń qatysýymen ótken S5+1 jınalysynda amerıkandyq bankter dekarbonızasııaǵa baılanysty jobalarǵa qarjy quıýǵa daıyn ekenin aıtty jáne bul somany - shamamen 4-5 trln dollar dep atady», dedi ol.
