Álem • 27 Qazan, 2021

DDSU saıahatshylardan COVID-19-ǵa qarsy vaksına alýyn talap etpeýdi usyndy

132 ret

kórsetildi

1 mın

oqý úshin

Dúnıejúzilik densaýlyq saqtaý uıymy (DDSU) halyqaralyq saparlar boıynsha saıahatshylardan COVID-19-ǵa qarsy vaksına alýyn talap etpeýdi usyndy, dep habarlaıdy Egemen.kz.

Gaýhar QAPASh

DDSU saıahatshylardan COVID-19-ǵa qarsy vaksına alýyn talap etpeýdi usyndy

Tótenshe jaǵdaılar komıteti otyrysynyń qorytyndysy boıynsha, DDSU kez kelgen elge kirýdiń jalǵyz sharty koronavırýsqa qarsy vaksına alý bolmaýy kerek dep sanaıdy, sondyqtan uıym saıahatshylardan ekpe alǵanyn dáleldeýdi talap etpeýdi usynady.

Uıym sarapshylary bul sheshimdi birqatar elde vaksınasııa áli de tómen deńgeıde bolýymen baılanystyrdy. Dúnıejúzilik densaýlyq saqtaý uıymynyń málimeti boıynsha, tabysy joǵary elderde árbir 100 adamǵa COVID-19-ǵa qarsy vaksınanyń 133 dozasy kelse, tabysy tómen elderde 100 adamǵa 4 dozadan ǵana keledi.

Dúnıejúzilik densaýlyq saqtaý uıymynyń málimdemesi boıynsha, memleketter halyqaralyq jolaýshylar tasymalyna táýekelge negizdelgen kózqarasty qabyldaýy kerek - qajet bolǵan jaǵdaıda reısterdi toqtatý nemese qysqartý, PTR-synamasyn nemese karantınǵa jatqyzý.